भ्रष्टाचारः प्रदेश नं. २ का २ सचिव निलम्बनमा !

न्यूज ब्यूरो, जनकपुरधाम । प्रदेश नं. २ का दुई जना सचिव निलम्बनमा परेका छन् ।

बुधबार अख्तियार दुरुपयोग अनुसन्धान आयोगले विशेष अदालतमा दर्ता गरेको काठमाण्डुको ललिता निवास जग्गा प्रकरण सम्बन्धी भ्रष्टाचार मुद्दामा प्रदेश २ का दुई जना सचिव परेका छन् ।

प्रदेश २ को मुख्यमन्त्री तथा मन्त्रिपरिषदको कार्यालयका सचिव शंकर प्रसाद सुवेदी र अर्का सचिव तेजराज पाण्डे निलम्बनमा परेका छन् । भ्रष्टाचार मुद्दामा दुवै जना निलम्बनमा परेको हो ।

अख्तियारले सुवेदी बिरुद्ध ९ करोड, ६५ लाख ७६ हजारको बिगो सहितको मुद्दा दर्ता गरेको छ । त्यसैगरि पाण्डे विरुद्ध ७ करोड ८ लाख ४८ हजार बिगो सहितको मुद्दा दर्ता गरिएको छ । सुवेदी प्रदेश २ मा आएको ६ महिना र पाण्डेलाई २ महिना भएको थियो ।

यसअघि सचिव सुवेदी भुमि सुधार कार्यालय काठमान्डौंमा कार्यरत थिए । सुवेदी उपर अख्तियारले ९ करोड ६५ लाख ७६ हजार रुपैयाँ बिगो माग गरिएको छ । यस्तै पाण्डे, काठमान्डौंमा भूमि सुधार तथा व्यवस्था मन्त्रालयमा सह सचिवको रुपमा कार्यरत थिए । पाण्डे उपर ७ करोड ८ लाख ४८ हजार रुपैयाँको विगो माग गरिएको हो ।