धनुषाः विकाजी दालमोठ फ्याक्ट्रीमा आगलगी, २ करोड बढीको क्षति

न्यूज ब्यूरो, जनकपुरधाम । धनुषाको ढल्केवर स्थित रहेको एक दालमोठ फ्याक्ट्रीमा आगलगी हुँदा २ करोड बढीको क्षति भएको बताइएको छ ।

धनुषाको मिथिला नगरपालिका वडा नं. ६ ढल्केवर स्थित रहेको “न्यु विकाजी दालमोठ” उघोगमा आगलगी हुँदा सो मूल्य बराबरको क्षति भएको प्रहरीले जनाएको छ । आगलगी भएपछि उद्योगमा रहेको सबै समान जलेर नष्ट भएको प्रहरीले जनाएको छ ।

गएराती (सोमबार राती) करिब १ः३० बजेको समयमा अचानक आगो लाग्दा २ बढीको क्षति भएको प्रारम्भिक अनुमानलाई उदृत गर्दै ढल्केवर प्रहरीले जनाएको छ ।

उद्यागेमा आगो लाग्दा दालमोठ उत्पादनमा प्रयोग हुने उपकरण, तयारी अवस्थाका सामान, कच्चा पदार्थ र घर समेत पूर्ण रुपमा जलेर नष्ट भएको ईलाका प्रहरी कर्यालय ढल्केवरका प्रहरी निरिक्षक तिर्थ कार्कीले जानकारी दिनुभयो ।

उद्योगमा लागेको आगो विहान करिब साढे ३ बजे मात्र वारुण यन्त्रको सहयोगमा नियन्त्रणमा आएको थियो ।