अपन मिथिला सेवा समाजको कम्बल वितरण अभियान गाउँगाउँमा

न्यूज ब्यूरो, जनकपुरधाम । समाजिक संस्था अपन मिथिला सेवा समाजले जाडोलाई लक्षित गर्दै कम्बल वितरण अभियानलाई निरन्तरता दिएको छ ।

संस्थाले कम्बल वितरण अभियान अन्तर्गत धनुषामा सोमबार पनि न्याना कम्बल वितरण गरेको छ । कपडाको अभावमा कष्टकर जिवनयापन गरिरहेका धनुषाको झण्डै ६ वटा गाउँमा कम्बल हस्तान्तरण गरिएको हो ।

धनुषाको हंसपुर नगरपालिका वडा ३, ५ र ७ मा पर्ने हंसपुर, कठपुला, सुगा निकास, कटि निकास, नुवाखोर, प्रसाही गरि ६ गाउँमा कम्बल वितरण गरेको संस्थाले जनाएको छ । उनीहरुलाई नेकपाका प्रदेश सांसद रामचन्द्र मण्डलका हातबाट कम्लब हस्तान्तरण गरिएको संस्का अध्यक्ष मंसाराम यादवले जानकारी दिए ।

हरेक वडामा सयको हराहारीमा गरी ५ सय जति कम्बल वितरण गरिएको हो । कठ्यांग्रिदो जाडोमा आर्थिक विपन्नताले कष्टकर जीवनयापन गरिरहेका बेला अपन मिथिला सेवा समाजले कम्बल वितरण अभियान चलाएको हो ।