प्रदेश नं. २ः अल्पसँख्यक तर्फ पनि नेकपा–राजपाको विजयी !

न्यूज ब्यूरो, जनकपुरधाम । राष्ट्रिय सभा निर्वाचनको लागि आज सम्पन्न भएको निर्वाचनमा प्रदेश नं. २ को अल्पसँख्यक सिटमा पनि नेकपा–राजपा गठबन्धनले बाजी मारेका छन् ।

अल्पसंख्यक १ पदको लागि नेपाली कांग्रेसबाट भोला पञ्जियार र राजपाबाट शेखरकुमार सिंहले उम्मेदवारी दिएका थिए । अल्पसँख्यकको परिणाम घोषणा सँगै राजपाबाट शेखर कुमार सिँह विजयी भएका हुन् ।

सिँह ९ सय ९० मतान्तरले विजयी भएका हुन् भने उनका निकटतम प्रतिद्धन्द्धी काँग्रेसका भोला पँजियार पराजित भएका हुन् ।

यससँगै, नेपाली काँग्रेस र समाजवादी पार्टीको गठबन्धनले एक सिट पनि ल्याउन सकेनन । यससँगै मधेशमै यसपाली उपेन्द्र यादवको पार्टी Nill भएको छ ।

सिँहले कूल ५ हजार ५ सय २ मत प्राप्त गर्नुभएको छ भने उनका प्रतिद्धन्द्धी भोला पँञ्जियार ४ हजार ५ सय १२ मत प्राप्त गरेका छन् । प्रदेश २ मा राष्ट्रिय सभाको चार सदस्यका लागि हुनगइरहेको निर्वाचनमा ८ जनाले उम्मेदवारी दिएका थिए ।

निर्वाचनमा नेकपासँग राजपा र कांग्रेससँग समाजवादीले छुट्टाछुट्टै गठबन्धन गरी उम्मेदवारी दिएको थियो । महिला एकपदको लागि हुने निर्वाचनमा नेकपाको तर्फबाट तुलसाकुमारी दाहाल र नेपाली कांग्रेसको तर्फबाट नगिना यादव मैदानमा उत्रेकी थिइन् ।

दलित एक पदका लागि चुनावमा नेकपाको तर्फबाट राधेश्याम पासवान र समाजवादी पार्टीको तर्फबाट रामपृत पासवान भिडेका थिए ।

अल्पसंख्यक १ पदको लागि नेपाली कांग्रेसबाट भोला पञ्जियार र राजपाबाट शेखरकुमार सिंहले उम्मेदवारी दिएको थियो भने अन्य १ पदको लागि समाजवादीका अनिरुद्धकुमार सिंह र राजपाका मृगेन्द्रकुमार सिंह चुनावी मैदान लडेका थिए ।