५५ वर्षीय पुर्वे ७ वर्षपछि ईलाका प्रशासनबाटै पक्राउ

न्यूज ब्यूरो, जनकपुरधाम । धनुषा जिल्ला अदालतलको फैसलालाई अवज्ञा गरि ७ वर्ष देखि फरार रहेका व्यक्तिलाई ईलाका प्रहरी कार्यलय यदुकूहाले पक्राउ गरेको हो ।

पक्राउ पर्नेमा सहिद नगरपालिका वडा नं ३ का शत्रुधन पुर्वे रहेको छ उनी ईलाका प्रशासन कार्यालय यदूकूहा नजिकै घुमफिर गरिरहेको अवस्थामा प्रहरीले पक्राउ गरिएको यदुकूहाका प्रहरी इन्चार्ज दिपक बाबू केसीले जानकारी दिनुभएको छ ।

न्यूज ब्यूरोसँग कुराकानी गर्दै ईन्सपेक्टर केसीले उनी माथि परेका कुटपिट अंगभंग मुद्दामा अदालतले दोषी ठहर गर्दै २०७० साल माघ ४ गते दुई वर्षको कैद र २५ सय जरिवाना तिर्ने फैसला सुनाएका थिए तर अदालतमा हाजिर नभई लुकिछिपी बस्दै आएका थिए ।

खोजतलास गर्ने क्रममा यदुकाहाबाट पुर्वेलाई नियन्त्रणमा लिई थप कारबाहीका अदालतमा पठाउने बताउनुभयो ।