जनकपुरका मेयर साहको समाचार बहिष्कार यथावत

न्यूज ब्यूरो, जनकपुरधाम । जनकपुरधाम उपमहानगरपालिकाका मेयर लालकिशोर साह र पत्रकार महासंघका केही पदाधिकारीहरुबीच भएको घटनालाई लिएर जनकपुरका केही पत्रकारहरुले समाचार सम्प्रेषण नगर्न आग्रह गरेको छ ।

राजनीतिक पार्टी नेपाल कम्युनिष्ट पार्टी (नेकपा) निकट प्रेस संगठन नेपालको धनुषा शाखा, संघीय समाजवादी पार्टी नेपाल निकट प्रेस नेपाल धनुषा, मधेशी पत्रकार समाज धनुषा र प्रेस मँच नेपाल धनुषाले मेयर साहको कुनै पनि समाचार सम्प्रेषण नगरी बहिष्कार गर्न आग्रह गरेको हो ।

यी संगठनहरुले शुक्रबार एक प्रेस विज्ञप्ति जारी गर्दै समस्या समाधानका लागि धनुपाका प्रमुख जिल्ला अधिकारी प्रदिपराज कणेलको पहलमा प्रमुख राजनीतिक दलको रोहवरमा दुवैपश्षवीच भएको ९ बुँदे सहमति अविलम्व कार्यान्वयन नभएसम्म समाचार बहिष्कार गर्न आग्रह गरेको हो ।

जारी गरिएको प्रेस विज्ञप्तिमा दुई दिनभित्र सहमति कार्यन्वयन नभए राजनीतिक दल र सरोकारवालाहरुसंग समन्वयन र छलफल गरी विभिन्न खाले दबाबमुलक आन्दोलन गर्न बाध्य हुने चेतावनी समेत दिएको छ । यसका साथै आन्दोलनबाट उत्पन्न हुने परस्थितिको जिम्मेबार सम्बन्धित निकायले लिनुपर्ने पनि उल्लेख गरेको हो ।

घटना लगत्तै नेपाल पत्रकार महासंघको सभाहलमा वसेको आकस्मिक वैठकले जनकपुरधाम उपमहानगरपालिकाका प्रमुख लालकिशोर साहको समाचार वहिष्कार गर्नै निर्णयलाई यथावत राख्दै सहमति कार्यन्वयन नभएसम्म समाचार प्रकाशन र प्रसारण नगर्न सबै सञ्चार संस्था र सञ्चारकर्मीहरुसंग अपील गरिएको छ ।



गत २०७६ साल पुस २२ गते प्रतिक्रिया र सुचना माग्न गएका पत्रकारहरुमावि जनकपुरधाम उप–महानगरपालिकाका प्रमुख लालकिशोर साहको कार्यकक्षमा हातपात, कुटपिट तथा दुरव्यवहार जस्ता घटना भएको उल्लेख गर्दै पत्रकारहरु उपर दुरव्यवहार तथा कुटपिट गरी उल्टै पत्रकारहरु उपर लाञ्छना लगाएको प्रति नेपाल पत्रकार महासंघ धनुषा शाखा सहित यी संगठनहरुले खेद प्रकट गर्दै भत्र्सना गरेको छ ।