बालबालिकालाई अध्ययन साथै अतिरिक्त क्रियाकलाप आवश्यक : वडाध्यक्ष महतो

न्यूज ब्यूरो, धनुषा । धनुषाको सबैला नगरपालिका वडा नं. १२ रघुनाथपुरमा रहेको चिल्ड्रेन ईङगलिस बोर्डिंग स्कूलले आफ्नो १९ औं वार्षिकोत्सव मनाएको छ ।

१८ वर्ष सफलतापूर्वक पार गरी १९ वर्षमा प्रवेश गरेको अवसरमा विभिन्न कार्यक्रमहरुको आयोजना गरिएको थियो । सोही क्रममा सबैला नगरपालिका वडा नं. १२ का वडाध्यक्ष प्रदीप महतोले बालबालिकाहरुलाई अध्ययनका साथै अतिरिक्त क्रियाकलापमा पनि सहभागी गराउनु आवश्यक रहेको बताउनुभएको छ ।

स्कूलले सँचालन गरेको सप्ताहव्यापी खेलकूद कार्यक्रम तथा १९ वार्षिकोत्सवको अवसरमा प्रमुख अतिथिको आसनबाट बोल्दै उहाँले बालबालिकाहरुलाई अध्ययनको बोझबाट सहजता दिन अतिरिक्त क्रियाकलाप को आवश्यकता औल्याउनुभयो । उहाँले बालबालिकाहरुको मानसिक अवस्था दुरुस्त राख्नको लागि खेलकूद अनिवार्य भएको बताउँदै विद्यालय परिवारले गरेको खेलकूद सप्ताहको प्रशंसा गर्नुभयो ।

१९ औं वार्षिकोत्सवको अवसरमा गत पुस २५ गतेदेखि सुरु भएको खेलकूद सप्ताहलाई समापन गर्दै वडाध्यक्ष महतोले बालबालिकाहरुको लगनशिलताप्रति खुसी व्यक्त गर्नुभयो । चिल्ड्रेन ईङगलिस बोर्डिंग स्कूलले स्थानीय बालबालिकाहरुलाई शिक्षाका साथै खेलकूदमा समेत ध्यानाकर्षण गराएको बताउनुभयो ।

धनुषाको चिलड्रेन बोर्डिङ्ग स्कुलद्वारा “खेलकुद सप्ताह” सुरु

रघुनाथपुर तथा उक्त क्षेत्रकै सबभन्दा पुरानो बोर्डिङग स्कूल मानिएको उक्त विद्यालयले प्रत्येक वर्ष “खेलकुद सप्ताह” को आयोजना गर्दै आएको छ । यसपाली पनि १९ औं वार्षिकोत्सवको अवसरमा आयोजना गरिएको “खेलकुद सप्ताह” अन्तर्गत कबडी, हाईजम्प, लङ्गजम्प, स्पुन रेस, म्यूजिकल चेयरलगायत दर्जनौ खेल समावेश गरिएको थियो ।

विद्यालयका संस्थापक सुरेन्द्र साहको अध्यक्षतामा सम्पन्न भएको सो “खेलकुद सप्ताह” को समापन कार्यक्रममा सप्ताहभरिको खेलकूदको क्रममा विजयी भएका विद्यार्थीहरुलाई पुरस्कार समेत वितरण गरिएको हो । विभिन्न विद्यामा प्रथम, दोस्रो तथा तेस्रो हुनेलाई पुरस्कार वितरण गरिएको हो । समापन कार्यक्रममा विद्यलायका शिक्षक शिक्षिकाहरुलाई सम्मान समेत गरिएको थियो भने पुराना शिक्षक शिक्षीकाहरुलाई सम्मान सहित विदाई गरिएको थियो ।

खेलकुद सप्ताहमा सहभागी विभिन्न प्रतियोगिताका विजेताहरुलाई ट्रफी, मेडल, प्रमाणपत्रलगायतका पुरस्कार प्रदान गरिएको थियो । सो क्रममा विद्यालयका छात्रछात्राहरुले अतिथिहरुलाई सम्मान स्वरुप विभिन्न नृत्य, मौलिक नृत्य, साँगितिक कार्यक्रमको समेत प्रदर्शन गरेको विद्यालयका प्रिन्सीपल दिगम्बर महतोले बताउनुभयो ।

समापन कार्यक्रममा अतिथिको रुपमा आधारभूत विद्यालय किरतपुर ढोलबज्जाका प्रधानाध्यापक तथा नगर शिक्षा समितिका सदस्य पवन महतो, ज्ञानोदय बालवाटिकाका प्रिन्सीपल नवीन जयसवाल , समाजसेवी राम नारायण महतो, अशोक महतो सहित अभिभाबक कन्चन श्रेष्ठले आ आफ्नो धारणा राख्नुभएको थियो ।