धनुषाको शहिदनगरमा पनि योग दिवस, एक घर ५ जडिबुटीको अवधारणा

न्यूज ब्यूरो, जनकपुरधाम । धनुषाको शहिदनगर नगरपालिका अन्तर्गत रहेको आयूर्वेद औषधालयमा योग दिवस मनाइएको छ ।

पाँचौ राष्ट्रिय योग दिवसको अवसर पारेर शहिदनगरमा योग दिवस मनाइएको हो । “राष्ट्रिय एकताः योगको सान्दभिर्कता” मुल नारा को साथ पाँचौ राष्ट्रिय योग दिवस २०७६ मनाइएको हो ।

आयूर्वेद कार्यालय शहिदनगरका प्रमुख अनिल झाको अध्यक्षता तथा नगर प्रमुख उदय कुमार बरबरियको प्रमुख आतिथ्यमा आयोजना गरिएको योग दिवसको क्रममा नगरवासीलाई सम्बोधन गर्दै मेयर बरबरियाले योग गर्न र निरोगी बन्न पनि योग गर्न आग्रह गर्नुभयो । उहाँले योगको माध्यमबाट नगरमा शान्ती ल्याउने औजार व्यवस्थापन हुने बताउनुभयो ।

गलत शक्तिहरुलाई शरिरबाट पलायन गर्नको लागि योग एक मात्र माध्यम रहेको बताउनुभयो । योगको माध्यमबाट निरोगी हुन सक्ने बताउँदै उहाँले नगरपालिकाले लागू गर्ने एक वडा एक योग शिविरमा सहभागी भएर योगलाई आत्मसात गर्न आग्रह गर्नुभयो । उहाँले योगकै माध्यमबाट साकारात्मक विचार उत्पन्न भई साकारात्मक विकास हुने बताउनुभयो ।

यो वर्षको योग दिवसको नारा ‘राष्ट्रिय एकताः योगको सान्दर्भिकता’ रहेको छ। शिक्षा, विज्ञान तथा प्रविधि मन्त्रालयको विशेष पहलमा साता व्यापीरूपमा योग दिवस मनाइँदै छ। सो क्रममा उहाँले एक घर ५ जडिबुटीको अवधारणालाई लागू गर्न आग्रह समेत गर्नुभयो ।

शिक्षामन्त्री गिरिराजमणि पोखरेल योगको विशेष पारखी भएरै होला उहाँकै संयोजकत्वमा राष्ट्रिय योग दिवस मूल समारोह समिति गठन भई राष्ट्रिय योग दिवसलाई भव्य र व्यापकताका साथ मनाउन सप्ताहव्यापी कार्यक्रमहरू तय गरिएको हो।मन्त्रालयले हरेक विद्यालयमा योगको कार्यक्रमलाई बढी प्राथमिकता दिएको छ।