धनुषा : जाडोमा १०० नाँगो शरिरलाई चितवनका अभियन्ताहरुको न्यानो कपडा

न्यूज ब्यूरो, जनकपुरधाम । चिसो र शितलहरमा पनि नाँगो शरिर जीवन बिताउन बाध्य भएका धनुषाका अति विपन्न परिवारहरुलाई मोटो कपडा वितरण गरिएको छ ।

चितवनका समाजिक अभियन्ताहरु धनुषाको जनकनन्दिनी गाउँपालिका वडा नं. १ ईनर्वा टोलामा जाडोको मौसमा पनि कपडा नरहेका विपन्न समुदायका बालबालिकाहरुलाई मोटो र न्यानो कपडा वितरण गरेको छ । ती अभियन्ताहरुसहयोग सामाग्री सहित ईनर्वामा चिसो मौसममा आफ्नो दिन नाङ्गो शरीर लिएर बिताउन बाध्य भएका विपन्न १०० परिवारलाई न्यानो कपडा वितरण गरेका हुन् ।

चिया बेचेर सङ्कलित रकमको कपडा खरिद गरी विपन्न समुदायलाई वितरण गरी मानवताको नयाँ परिचय दिएको हो । चितवनको पुलचोकमा र चौबिसकोठिमा चिया बेचेर ती अभियन्ताहरु आर्थिक रकम सङ्कलन गरेका थिए । सो कपडा वितरण कार्यक्रममा कार्यक्रममा नेपाली काङ्ग्रेसका नेता एवम् प्रदेश सभा सदस्यका प्रत्यासी उम्मेदवार राजेश्वर गोईतले यस्ता प्रकारको कार्यक्रममा, समाजिक कार्यक्रमा आफ्नो सहयोग र सहकार्य सदैव रहने प्रतिवद्धता व्यक्त गर्नुभयो ।

सामाजिक व्यक्तित्व तथा नेकपा एमालेका वडाध्यक्षका प्रत्यासी सन्तोष गोईत (पुर्व सचिव रामचन्द्र मणि ) र अन्य राजनितिक दलका प्रतिनिधित्व गर्दै विभिन्न व्यक्तिहरुको उपस्थिति रहेको थियो । सो कार्यक्रमलाई समाजिक अभियन्ता बिमल सापकोटाले सभापतित्व गर्नुभएको थियो ।

कपडा वितरण कार्यक्रममा सापकोटाले परेको खण्डमा अझै सहयोग जुटाउने प्रतिबद्धता व्यक्त गर्नुभयो । “अबको नयाँ कार्यक्रम र अभियानका बारेमा केही दिन मै जानाकारि गराउनेछु ।”– उहाँले भन्नुभयो ।

सामाजिक अभियान्ता प्रकाश थापाले अझै पनि चिया बेचेर विभिन्न ठाउँमा रहेका गरिव बालबालिकालाई सदैब सहयोगका लागि जुट्ने प्रतिबद्धता जनाउनुभयो । उहाँले सामाजिक अभियानमा युवालाई अग्रसर बनाउनको लागी सदैव अग्रसर रहने बताउनुभयो । सो कार्यक्रमलाई स्थानीय एवम् अभियन्ता ईन्द्रजीत गोईतले सहजीकरण गर्नुभएको थियो ।