जनकपुरमा फेरी शंकास्पद वस्तु फेला, बमको आशंकामा प्रहरीद्धारा घेराउ !

न्यूज ब्यूरो, जनकपुरधाम । विगत केही दिनदेखि निरन्तर रुपमा जनकपुरमा शंकास्पद वस्तु फेला पर्ने क्रम जारी रहेको छ ।

सोही क्रममा आज (मँगलबार) विहान जनकपुरधाम उपमहानगरपालिका वडा नं. १ सीताचौक स्थित शंकास्पद वस्तु फेला परेको छ । शंकास्पद वस्तु फेला परे लगत्तै जिल्ला प्रहरी कार्यालय धनुषाको टोली उक्त क्षेत्रलाई घेराबन्दी गरेको छ । शंकास्पद वस्तु देखेपछि प्रहरीलाई खवर गरे लगत्तै प्रहरीको टोली उक्त स्थल पुगेर क्षेत्र नियन्त्रणमा लिएको छ ।

सीताचोकमै रेल्वे ट्रयाकदेखि पुलचोक जाने बाटोमा रहेको एक मासु पसल अगाडी ठुलो ब्याग राखिएको हो । उक्त ब्यागमा विस्फोटक पदार्थ हुन सक्ने अथवा बम हुन सक्ने आशंकामा उक्त क्षेत्रलाई नियन्त्रणमा लिएको हो । नेपाली सेनाको बम डिस्पोजल टोलीलाई खवर गरेको प्रहरीले जनाएको छ ।

केही दिन अगाडी मात्र धनुषाको महेन्द्रनगरमा भएको बम विस्फोटमा परी ३ जनाको मृत्यू भएपछि प्रशासनले उच्च सतर्कता अपनाएको छ । यस बारे थप विवरण आउन बाँकी छ ।