मधेश सरकार विरुद्ध आन्दोलन गर्ने तयारी !

न्यूज ब्यूरो, जनकपुरधाम । उपभोक्ता समितिहरुले प्रदेश नं २ का मुख्यमन्त्री तथा मन्त्रीहरुको विरुद्धमा चरणबद्ध आन्दोलन गर्ने चेतावनी दिएका छन् ।

असार मसान्तमै प्रदेश सांसदहरुले उपभोक्ता समिति मार्फत संचालन गरेको योजना सम्पन्न गरेपनि हालसम्म भुक्तानी नपाएका उपभोक्ता समितिहरु प्रदेश सरकार माथि आक्रोशित भएका छन् ।

उपभोक्ता समितिका सदस्य तथा जनकपुरका युथ एक्सन फोर्स नामक युवा संजालका उपाध्यक्ष समेत रहेका दिपक यादवले भने – “७ महिना पहिले प्रदेश सरकारकै योजना स्टिमेट अनुसार योजना सम्पन्न गरेपनि प्रदेश सरकारको लापरबाही र गैरजिम्मेवारीपन कारण उपभोक्ता समितिहरु हालसम्म भुक्तानी नपाएर अनाहकमा दुख पाईरहेका छन् ।”

हरेक कुरामा केन्द्र सरकारलाई दोष देखाएर आफ्ना कमीकमजोरी ढाकछोप गर्न लाइसेन्स प्राप्त गरेका मुख्यमन्त्री लाल बाबु राउतले उपभोक्ता समितिहरुलाई भुक्तानी गर्ने कसले रोकिएको हुन् त्यो उपभोक्ता समिति समक्ष बताउनुपर्ने बताएका छन् ।

उपभोक्ता समितिहरु ऋण काढेर लगानी गरेको छ कसले सामग्री उधारो लिएर प्रयोग गरेका छन् के उनीहरूलाई कतिको तगेधा खेप्नुपरेको होलान् यो गरिब र अधिकार बिहिन जनताको अधिकार दिलाउन मधेस भवनमा कब्जा जमाएका बसेकाहरुले महसुस गर्न सकिरहेको छैन् ? मन्त्रीहरु आफ्ना सेवा सुबिधा र नयाँ - नयाँ गाडी किन्न रातारात प्रक्रिया मिलाउन सकिन्छ तर उपभोक्ता समितिको पैसा तिर्न विभिन्न बहानामा गरेको आनाकानी आफूहरूलाई स्वीकार्य नहुने बताएका छन् ।

भुक्तानीको लागि ७÷८ महिना देखि मन्त्रालय धाउँदा धाउँदै समितिहरुलाई धैर्य टुटिसकेकाले अब मन्त्रालय घेराउ देखि लिएर मन्त्रीहरूलाई आवतजावतमा समेत निषेध गर्ने बताए १५ गते का दिन हामी प्रदेश भवन अगाडि प्रदर्सन गरेर अल्टिमेटम दिएका छौं अब पनि भुक्तानी गरेन भने सशक्त आन्दोलनमा उत्रिन बाध्य हुन्छौं ।”

गत आर्थिक वर्षको प्रदेशका सांसदहरूले उपभोक्ता समितिमार्फत सञ्चालन गरेका ८ सय ४२ योजनाको ९१ करोड रुपैयाँ भुक्तानी बाँकी छ ।