बारा विश्रामपुर गाउँपालिकाका अध्यक्ष राउत जेल चलान

न्यूज ब्यूरो, बारा । बाराको विश्रामपुर गाउँपालिका अध्यक्ष अमिरीलाल राउत जेल चलान भएका छन् ।

आइतबार सवारी ज्यान मुद्दामा बारा प्रहरीले पक्राउ गरेको राउतलाई आइतबार नै जेल चलान गरिएको बाराका प्रहरी प्रमुख विकाशराज खनालले जानकारी दिए । उनलाई २९ दिनसम्मका लागि कारागार चलान गरिएको हो ।

जिल्ला अदालत बाराले उनीविरुद्ध २०६३ साल भदौ २९ गते सवारी ज्यानमुद्दामा २९ दिन कैद र २ हजार रुपैयाँ जरिवानाको फैसला सुनाएको थियो । त्यही मुद्दाको कैद भुक्तानका लागि उनी कारागार चलान भएका हुन् ।