प्रदेश सरकार ढल्ने हल्ला गलत : मुख्यमन्त्री राउत

न्यूज ब्यूरो, जनकपुरधाम । प्रदेश २ का मुख्यमन्त्री लालबाबु राउतले प्रदेश सरकार ढल्ने हल्ला गलत रहेको बताएका छन् ।

मुख्यमन्त्री राउतले सरकार तत्काल नढल्ने दावी गरेका हुन् । राजपाले नेकपासँग गरेको २ बुंदे सम्झौतापछि प्रदेश सरकार ढल्ने अडकलबाजी भइरहेका बेला उनले सरकारलाई कुनै असर नपर्ने बताए । उनले प्रदेश सरकारबारे मिडियामा आएको कुरा कोकोहोलो बाहेक अरु केही नभएको बताए । पार्टी अलग अलग मात्र नभएर विचार, सिद्धान्त र रणनीति नै अलग अलग भएकाले नेकपासँग गरेको सम्झौता गर्नु स्वभाविक भएको उनको भनाई छ ।

राजपाले नेकपासँग गरेको दुई बुंदे सम्झौतापछि धेरैले प्रदेश २ मा नयाँ समिकरण बन्ने अनुमान गरेका छन् । तर, हिजोमात्रै राजपा संयोजक राजेन्द्र महतोले पनि नेकपासँगको सहमतिले प्रदेश सरकारमा असर नपर्ने स्पष्ट पारेका छन् ।