नेपालको शिक्षा नितीमै विभेद छ, मातृभाषा अनिवार्य हुनुपर्छ : मन्त्री मण्डल

न्यूज ब्यूरो, सिरहा । प्रदेश २ का उद्योग, पर्यटन, वन तथा वतावरण राज्यमन्त्री सुरेश मण्डलले नेपालको शिक्षा नितीमा विभेद रहेको आरोप लगाएका छन् ।

सिरहाको सुखीपुरमा शुक्रबार नगर सुधार समितिद्धारा आयोजित एसईई मोडेल नगरस्तरीय प्रतियोगिता परीक्षकाको पुरस्कार वितरण कार्यक्रमलाई सम्बोधन गर्दै राज्यमन्त्री मण्डलले यस्तो बताएका हुन् । उनले मातृभाषाको पढाई अनिवार्य तथा अन्य तहका सेवाहरुमा लिने परीक्षामाको प्रश्न पत्र पनि मातृभाषा हुनुपर्ने तर भाषिक विभेद गर्दै मातृभाषलाई अनिवार्य नबाई विभेद गर्दै आएको आरोप लगाए ।

राज्यमन्त्री मण्डलले सामुदायिक तथा संस्थागत विद्यालयमा मातृभाषाको पढाइलाई अनिवार्यरुपमा लागू गर्न जोड दिए मात्रै भाषिक विभेद अन्त हुने बताए । उनले भने, ‘मातृभाषामा शिक्षा भन्ने भनाइलाई प्रभावकारी बनाउनुपर्छ । भाषा आफैँमा एउटा नियम हो । जब ती कुरामा राम्रो ज्ञान भयो भने अरु भाषा सिक्न सजिलो हुन्छ । व्याहारिकरुपमा भाषाको ज्ञान हुनु जरुरी छ । जुन भाषा बोलीमा मात्र सीमित हुन्छ । त्यो भाषा सधैं टिकाउ हुन सक्दैन । शिक्षा सेवा, लोकसेवा, प्रहरी प्रशासन र अन्य सेवाहरुमा शोधिने प्रश्न पत्र समेत मातृभाषामा भएमा मात्रै भाषिक विभेद अन्त हुनेछ ।’

कार्यक्रममा नगर सुधार समिति सुखीपुरका संयोजक विपी भुवन यादवले यो परीक्षा लिनुभन्दा पहिले कक्षा १० को लागि निःशुल्क कोचिङ्ग संचालन गरेको बताए । त्यसैको अधार बनाई नगरभरका माध्यमिक विद्यालयका विद्यार्थीहरुलाई परीक्षामा सहभागी गराए । अध्ययन र परीक्षाको बारेमा राम्रो सिकाई र अध्ययन गर्ने वातावरण तयार हुने अपेक्षा गरिएको छ । यस कार्यक्रमले विद्यार्थीको भविष्य निर्माणमा एकदमै सहयोग पुग्ने विश्वास आयोजकको छ ।