प्यारागन लिटल आईकन २०७६ को मोस्ट पोपुलर अवार्ड चुमिन् 'हस्तिका'

न्यूज ब्यूरो, सिरहा । प्यारागन लिटल आईकन २०७६ को पहिलो सिजनको मोस्ट पोपुलर अवार्ड हस्तिका सैनीले कब्जा गरेकी छन् ।

विङ्स ईन्टरटेनमेन्ट नेपालको आयोजनामा भएको प्रतियोगिताको पहिलो सिजनको मोस्ट पोपुलर उपाधिमाथि हस्तिकाले कब्जा जमाएकी हुन् । विङ्स ईन्टरटेनमेन्ट नेपालको अफिसियल फेसबुक पेजमा राखिएको प्रतियोगीहरुको तस्वीरमध्ये सबैभन्दा बढी लाईक र कमेन्ट हस्तिकाले पाएकी छिन् ।

हस्तिकाले समाजिक सञ्जाल फेसबुकमा २६ सयबढी लाईक, १४ सयबढी कमेन्ट र साढे ३ सयबढी सेयर पाएकी छन् । लहानमा शनिबार आयोजित एक कार्यक्रमबीच विजेता हस्तिकालाई पहिलो सिजनको मोस्ट पोपुलर उपाधि प्रदान गरिएको छ ।

प्रतियोगितामा हस्तिकाले सबैभन्दा अत्यधिक मतका साथ अवार्ड चुमेपछि उनलाई बधाई दिनेको ओइरो लागेको छ ।