आन्तरिक राजश्व कार्यालय जनकपुरका तीन अधिकृतलाई सम्मानसहित विदाई

न्यूज ब्यूरो, जनकपुरधाम । आन्तरिक राजश्व कार्यालय जनकपुरमा कार्यरत अधिकृतहरुको कार्यकाल सकिएपछि भव्य रुपमा विदाई गरिएको छ ।

राजश्व कार्यालय जनकपुरमा कार्यरत कर अधिकृत रामप्रकास महतो, युक्तप्रसाद सुबेदी, नरेश राउतलार्ई भव्य विदाई गरिएको हो । उनीहरुले जनकपुरबाट नेपाल सरकारको राजश्व संकलनमा अतुलनीय योगदान गरेको भन्दै भव्य सम्मान गरेर विदाई गरिएको छ ।

उनीहरुले आफ्नो कार्यकालमा करदाता, कर सहयोगी, लेखा परिक्षकसँग ईमानदारिता, मित्रता,नैतिकता, निष्ठावान, सल्लाह, सुझावसाथै नेपालको राजश्व संकलनमा उल्लेखनीय योगदान गरेका छन् । जनकपुरबाट सरुवा भएका तीनैजनालाई दोसला, जनकी मन्दिरको प्रतिमासहित फुलको मला लगाएर सम्मानसहित विदाई गरेका छन् ।