जनकपुरमा ओली र मोदीको पुतला दहन

न्यूज ब्यूरो, जनकपुरधाम । भारतले जारी गरेको नयाँ राजनीतिक नक्सामा नेपालको केही भूभाग मिचेको भन्दै जनकपुरमा प्रधानमन्त्री केपी ओली र भारतीय प्रधानमन्त्री नरेन्द्र मोदीको पुतला दहन गरिएको छ ।

नेकपा क्रान्तिकारी माओवादीको अगुवार्एमा जनकपुरमा दुवै देशका प्रधानमन्त्रीको पुतला दहन गरिएको हो । आईतबार अपरान्ह मोहन वैद्य किरण नेतृत्वको नेकपा माओवादी क्रान्तिकारी र जनगणतान्त्रिक मोर्चा धनुषाले संयुक्तरुपमा दुवै देशका प्रधानमन्त्रीको पुत्ला जलाएको हो ।

नेपालको लिपुलेक, कालापानी भूभागलाई भारतले नयाँ नक्साकनमा समेटेपछि पनि सरकारले केही नबोलेको भन्दै विरोध स्वरुप पुतला दहन गरेको हो । यसअघि नेपाली काँग्रेस निकटका नेपाल विद्यार्थी संघका पदाधिकारीहरुद्धारा जनकपुरमा गो ब्याक इण्डियाको नारा लगाएको थियो । आईतबार अपरान्ह नेकपा क्रान्तीकारीको अगुवाईमा प्रधानमन्त्री ओली विरुद्ध प्रदर्शन गर्दै जनकपुरको जनकचोकमा पुतला दहन गरेको हो ।

भारतको नयाँ नक्सामा नेपालको सीमा मिचेर नयाँ नक्सान गरेपछि अहिले देशमा उथलपुथल भएको देखिएको छ । तराई मधेशको विभिन्न जिल्ला सहित देशैभरि भारतको विरोधमा प्रदर्शन, जुलुस, पुलता दहन जस्ता कार्यक्रमहरु गरिएको छ ।