प्रदेश २ का प्रदेश प्रमुख परियारले सम्हाले पदभार

न्यूज ब्यूरो, जनकपुरधाम । प्रदेश २ का नवनियुक्त प्रदेश प्रमुख तिलक परियारले आज (बुधबार) पदभार ग्रहण गरेका छन् ।

परियारलाई प्रदेश सरकारका भौतिक पूर्वाधारमन्त्री जितेन्द्र सोनलले जनकपुरस्थित कार्यालयमा स्वागत गरेका छन् । बुद्ध एयरको बिहानको जहाजमा जनकपुर अवतरण गरेका प्रदेश प्रमुख परियारलाई एयरपोर्टमै संघीय सरकारका मन्त्री उपेन्द्र यादव र प्रदेश २ का मुख्यमन्त्री लालबाबु राउतले स्वागत गरे ।

प्रदेश प्रमुख परियार श्रीमती र नेपाली सेनाको निजी अंगरक्षकसहित जनकपुर पुगेका हुन् । प्रदेश प्रमुख परियारलाई जनकपुरमा भव्य स्वागत गरिएको छ ।