सप्तरीमा सात फिट लामो अजिंगर भेटियो

न्यूज ब्यूरो, सप्तरी । सप्तरीमा सात फिट लामो अजिङ्गर फेला परेको छ । सप्तरीको दक्षिण पूर्वी तिलाठी कोइलाडी गाउँपालिका १ खरोखोलामा सात फिट लामो अजिङ्गर फेला परेको हो ।

गाईवस्तु चराउन गएका गोठालाले अजिङ्गर भेटाएका हुन् । उनले देखेको सूचना पाएलगत्तै खोलामा पुगेको नेपाल प्रहरी र सशस्त्र प्रहरी बलको टोलीले शनिबार अपराह्न १२ किलोग्राम तौलको अजिङ्गर नियन्त्रणमा लिई डिभिजन वन कार्यालयको टोलीलाई बुझाएको छ ।

यसअघि गत असोज ३० मा तिलाठी कोइलाडीकै छिमेकी नगर हनुमाननगर कंकालिनी नगरपालिका योगिनियाका सार्वजनिक पोखरीमा करिब सात किलोग्रामको गोही भेटिएको थियो । स्थानीय माझीले माछा मार्ने क्रममा जालमा फसेको गोहीलाई हनुमाननगरस्थित इलाका प्रहरी कार्यालयबाट खटिएको प्रहरी टोलीले नियन्त्रणमा लिएको थियो ।