प्रदेश २ लोकसेवा आयोगको सदस्यमा दुईजना थप

न्यूज ब्यूरो, जनकपुरधाम । प्रदेश २ को लोकसेवा आयोगको सदस्यमा डा. सुजाता देव र महारुद्र झा नियुक्त भएका छन् ।

प्रदेश लोकसेवाको सदस्यमा नव नियुक्त दुबैजना सदस्यलाई सोमबार शपथ गराइएको छ । उनीहरुलाई प्रदेश प्रमुख रत्नेश्वरलाल कायस्थ एक समारोहबीत शपथ ग्रहण गराएका हुन् । लोकसेवा आयोगका अध्यक्ष सुरेन्द्र प्रसाद यादवले यसअघि नै सपथ लिइसकेका छन् ।

शपथ ग्रहण कार्यक्रममा मुख्यमन्त्री लालबाबु राउत, सभामुख सरोज यादव, आर्थिक मामिला तथा योजनामन्त्री बिजय यादव, समाजिक विकासमन्त्री नवल किशोर साह, उद्योग वन तथा पर्यटनमन्त्री राम नरेश राय, प्रमुख प्रतिपक्षी दल नेकपाका संसदीय दलका नेता सत्यनारायण मण्डल, लोकसेवा आयोगका अध्यक्ष सुरेन्द्र प्रसाद यादव, नीति आयोगका उपाध्यक्ष भोगेन्द्र झा सहितका सरिक थिए ।

यससँगै प्रदेश लोकसेवा आयोगले अब आफ्नो काम कारवाही विधिवत् रुपमा अगाडि बढाउने बताइएको छ ।