धनुषामा गोली चल्यो !

न्यूज ब्यूरो, जनकपुरधाम । धनुषाको हंसपुर नगरपालिकाको निकाल गाउँमा प्रहरीले ६ राउण्ड हवाई फायर गरेको छ ।

शुक्रबार साँझ पौने ६ बजे तस्करले लुकाएर राखेको सामान बरामद गर्ने क्रममा अवरोध भएपछि प्रहरीले हवाई फायर गरेको हो । तस्करले स्थानीय महिला र बालबालिकालाई अघि सारेर सामान बरामद गर्न अवरोध गरेपछि प्रहरीले हवाई फायर गरेको जनाइएको छ । गाउँमा तस्करीको सामान भण्डारण गरेको सूचनाका आधारमा प्रहरी घटनास्थलमा पुगेको थियो । हवाई फायर गरेपछि सर्वसाधारण तितरवितर भएका थिए ।

बरामद गरिएको सामान अन्दाजी २५ लाख रुपैयाँ बराबरको हुनसक्ने प्रदेश २ का प्रहरी प्रमुख पद्युम्न कार्कीले जानकारी दिए ।