सांसद साह रिहा नभए कडा चवाफ दिन्छौं : राजेन्द्र महतो

न्यूज ब्यूरो, जनकपुरधाम । विमानस्थलमा तोडफोड गरेको अभियोगमा राजपा सांसद प्रमोद साह पक्राउ परेपछि यतिबेला खैलाबैला मचेको छ ।

आफ्ना सांसद पक्राउ परेपछि अध्यक्ष मण्डलका सदस्य राजेन्द्र महतोले कडा जवाफ दिने चेतावनी दिएका छन् । नेता महतोले सांसद साहलाई तत्काल रिहा नगरे कडा कदम चाल्ने चेतावनी समेत दिएका हुन् ।

महतोले साहको रिहाई नभए विरोधका कार्यक्रम गरिने बताए । विपक्षीप्रति वर्तमान सरकार नकारात्मक बन्दै गएकोले सचेत हुनुपर्ने बेला आएको महतोले बताए । उनले भने, ‘अन्यायको विरोधमा बोल्ने र टेबुल ठटाउनेलाई पक्राउ गर्ने ? यो सरकार निरंकुश बन्दैछ ।’

यसअघि मंगलबार सांसद शाहलाई त्रिभुवन विमानस्थलको आन्तरिक उडानतर्फको भीआइपी कक्षबाट पक्राउ गरिएको हो । पक्राउ परेका साहलाई जिल्ला प्रहरी कार्यालय धनुषा ल्याइएको छ ।