'दलालको घेराबन्दीमा बीरगँजका मेयर - 'सरावगी'

न्यूज ब्यूरो, बीरगँज । बीरगँज महानगरपालिकाका मेयर विजय सरावगी दलालको घेराबन्दीमा परेको बताइएको छ ।

जनताको सेवाका लागी जितेका महानगरपालिकाका मेयर विजय सरावगी दलालको घेराबन्दीमा परेकाले स्थानीयहरु समस्या परेको सांसद प्रदिप यादवले बताएका छन् वीरगंज महानगरपालिकाको वडा नम्बर ३२ चोर्नीमा आयोजित जनता दर्शन अभियान कार्यक्रममा बोल्दै उहाँले मेयरले प्रभावकारी काम गर्न नसकेकाले वडावासीको समस्या समेत आफुले गर्नुपरेको बताए ।

काम गर्ने ईच्छा हुदाँ हुदैपनी दलालको घेराबन्दीमा रहेकाले मेयरले काम गर्न नसकेको हो, एउटै उपाय छ, जबसम्म दलाललाई पाखा लगाईदैन तबसम्म महानगर समृद्ध नहुने बताउँदै उनले अपनेके सांसद अपनेकेद्वार भन्ने नारा सहित सञ्चालित जनता दर्शन अभियानमा जनताको गुनासो र समस्या सुन्दै र समाधान गर्दै आइरहेका सांसद यादवले चोर्नीको पोल पोलमा बती नरहेको स्थानीयहरुको गुनासोलाई उनले एक साताभित्र गराउने प्रतिबद्धता जनाए ।

सम्बोधनको क्रममा सांसद यादवले जिर्णोद्वार विद्यालय यसैवर्ष सके आफ्नो सांसदिय कोषबाट नभए समाजसेविहरुको सहयोगले गर्ने प्रतिबद्धता जनाए । यससंगै गरिब निमुखा जनताको छोराछोरी विद्यालय अपग्रेड नभएकाले पढ्न नपाउने समस्या सामाधानका लागी वीरगंज महानगरको शिक्षा ईकाई र शिक्षा विभागलाई पत्र लेखेर अपग्रेड गराउन लगाउने उनको प्रतिबद्धता थियो ।

यसैगरी आउँदै गरेको छठपर्वका लागी छठ पुजास्थलको बाटो दयनिय रहेकाले बाटो बनाईदिन सांसद यादवलाई स्थानीयहरुले आग्रह गरेका थिए । सांसद यादवले छठ पर्व अगाडी नै उक्त बाटो बनाईदिने प्रतिबद्धता जनाए । यससंगै २०१४ सालमै स्थापना भएको नेपाल राष्ट्रिय प्राथमिक विद्यालय स्तोरउन्नतीसंगै प्लस टु सम्म अपग्रेड गराईदिने स्थानीयहरुको माग थियो ।

संघिय समाजवादी पार्टीका जिल्ला उपाध्यक्ष बाशुदेव यादवको सभापतित्वमा समपन्न भएको कार्यक्रममा पुर्व गाविस प्रमुख कैलाश यादव, समाजवादी पार्टीका ईकाइ अध्यक्ष भोगेन्द्र महतो, पुर्व वडा अध्यक्ष रामायण महतो, भैरव महतो, विष्णु यादव, युवा नेता निखिल वर्णवाल लगायतको उपस्थिति रहेको थियो ।