राजदेवीमा बोका ( खँसी) बलीको लागि रसिद काटिदै

न्यूज ब्यूरो, जनकपुरधाम । राजा जनककी कूल देवी मानिएको जनकपुरको शक्तिपीठ राजदेवीमा प्रत्येक वर्ष हुँदै आएको बलि प्रदानको लागि रसिद काटने कार्य सुरु भएको छ ।

गुठी सँस्थान जनकपुरको मातहतमा उक्त रसिद कटान कार्य प्रत्येक वर्षझैं सुरु गरिएको हो । गत वर्ष करिब १५ हजारको हारहारीमा बलि प्रदान भएको थियो । मँगलबारदेखि खुल्ला गरिएको बोका बलीको रसिद कटानमा अहिलेसम्म करिब ४०० रसिद काटिएको जनाइएको छ । गुठी सँस्थानका प्रमुख नन्दकिशोर साहका अनुसार गत वर्षकै अनुपातमा यसपाली पनि बोका बली हुने छ ।

यसपाली पनि पोहोर जस्तै बोकाको प्रति टाउको वापतको मूल्य २ सय रुपैयाँ तोकिएको छ । त्येक वर्षझैँ यसवर्ष पनि बोकाबलीको कार्यक्रम अष्टमी तिथिको रहेको जनाइएको छ । अष्टमी तिथि आईतबार साँझ ६स्३० बजेदेखि बोका बली कार्यक्रम सुरु हुने पूजा आयोजक महाबीर युवा कमिटिका अध्यक्ष सँतोष साहले जानकारी दिए ।

साहका अनुसार, सप्तमी तिथिको दिन शनिबार विहान माता राजदेवीमा भव्य श्रृङगार कार्यक्रम रहेको छ । भव्य श्रृङगारपछि महाआरती हुने छ । सप्तमी तिथिकै राती १० बजेदेखि प्रसाद (लड्डु चढाउने) कार्यक्रमको लागि पँगति आरम्भ हुनेछ । बलि प्रथाको विरोधमा विभिन्न संघसँस्थाहरु उत्रेका छन् । पशुबली अत्याचार र मानव धर्म विपरित रहेको भन्दै पशुबली भन्दा प्रसाद चढाउन संघसँस्थाहरुले आग्रह गरेका छन् ।

File Photo