महोत्तरीमा बौलाहा कुकुरले ५० जनाबढीलाई टोके  !

न्यूज ब्यूरो, महोत्तरी । महोत्तरीको सदरमुकाम जलेश्वरमा बौलाहा कुकुरले आतंक मच्चाएको छ ।

गाउँबाट जलेश्वर पसेका बौलाहा कुकुर मंगलबार साँझ दसैँ मेला हेर्न गएका ५० भन्दा बढीलाई टोकेको छ । कुकुरको टोकाइबाट घाइते भएकाहरुको उपचार अहिले जिल्ला अस्पताल महोत्तरी जलेश्वरमा भइरहेको प्रहरीले जनाएको छ ।

कुकरले कतिजनालाई टोकेको छ भन्ने एकिन तथ्यांक अहिलेसम्म आउन सकेको छैन । महोत्तरीका प्रहरी उपरीक्षक श्यामकृष्ण अधिकारीले जनाएअनुसार, आतंक मचाएको बौलाहा कुकुर खोजेर मार्नको लागि प्रहरी पठाइसकिएको छ ।

प्रहरीले कुकुर खाजी व्यापक रुपमा गरिरहेपनि रातिको समय भएका कारण भेट्न सकेको छैन । कुकुर भेटिए गोली हानेर मार्ने तयारीमा रहेको प्रहरीले जनाएको छ ।