जनकपुरको रत्नसागर पोखरीमा पुरुषको शव

न्यूज ब्यूरो, जनकपुरधाम । जनकपुरधामको रत्नसागर पोखरीमा एक पुरुषको शव भेटिएको छ ।

जनकपुर उपमहानगरपालिका–८ स्थित रत्नसागर पोखरीमा बिहीबार दिउँसो पुरुषको शव भेटिएको हो । ओखलढुको सुनकोशी गाउँपालिका १ बस्ने अन्दाजी ३० वर्षीय राजकुमार राउत पोखरीमा मृत भेटिएका हुन् ।

स्थानीयले शव देखेपछि प्रहरीलाई खबर गरेका थिए । प्रहरीले जानकारी लगत्तै मुचुल्का उठाएर शव पोष्टमार्टमको लागि जनकपुर अंचल अस्पताल पठाएको छ ।

घटना बारे थप अनुसन्धान भइरहेको जिल्ला प्रहरी कार्यालय धनुषाका प्रवक्ता तथा डिएसपी रामेश्वर कार्कीले जनाए ।