जनकपुरबाट २३ वर्षे युवक चार दिनदेखि बेपत्ता

न्यूज ब्यूरो, जनकपुरधाम । जनकपुरधामबाट एक युवक विगत ४ दिनदेखि बेपत्ता बनेका छन् ।

धनुषाको क्षिरेश्वरनाथ नगरपालिका वडा ८ का २३ वर्षीय श्याम कुमार कुशवाहा ४ दिनदेखि सम्पर्क विहिन बनेका हुन् । जनकपुरको पिडारी चोकबाट गत असोज ५ गते साँझ ५ बजेदेखि उनको अवस्था अज्ञात छ ।

गत आईतबारदेखि बेपत्ता उनको खोजीमा प्रहरी प्रशासन र आफन्त लागेपनि अहिलेसम्म फेला पर्न सकेका छैनन् । निरन्तर खोजविन जारी राखेपनि श्याम नभेटिएपछि उनको परिवार विचल्लीमा परेका छन् ।

प्रहरीले उनको मोबाइल ट्रेस गरेर हेर्दा सिम प्रयोगमा छैन । सामाजिक सञ्जालमा पनि उनकोे खोजीका लागि व्यापक आग्रह गरिएको छ । निजलाई कहीँकतै भेटेमा उनको दाईको मोबाईल नम्बर ९८०४८०७५५९ मा सम्पर्क गरी सहयोग गरिदिन अनुरोध गरिएको छ ।