सिरहामा ड्रग्ससहित दुईजना फन्दामा

न्यूज ब्यूरो, सिरहा । सिरहामा लागुऔषधसहित प्रहरीले दुईजनालाई पक्राउ गरेको छ ।

सिरहाको छुट्टाछुटै ठाउँबाट प्रतिबन्धित लागुऔषधसहित प्रहरीले २ जनालाई पक्राउ गरेको हो । भारतबाट नेपालतर्फ ल्याउँदै गरेको अवस्थामा मंगलबार साँझ दुवैजनालाई प्रहरीले पक्राउ गरेको सिरहा प्रहरीले जनाएको छ ।

पक्राउ पर्नेमा उदयपुरको रौतामाई गाउँपालिका ९ मुरकुच्ची बस्ने ३१ वर्षीय राजु तामाङ र सिरहा जिल्लाको कर्जन्हा नगरपालिका ३ खैराटोलका ३६ वर्षीय प्रमोद यादव रहेको जिल्ला प्रहरी कार्यालय सिरहाका प्रहरीले जनाएको छ ।

तामाङलाई डाइजप्लाब १३ एम्पुल, नोर्फिन १३ एम्पुल, फेनारगन १३ एम्पुल र नाईट्रोजन १४ ट्याबलेट र एउटा नेपाली नम्बरको मोटरसाइकल सहित सिरहाका बरीयारपट्टी ३ चमार टोलबाट इलाका प्रहरी कार्यालय बरीयारपट्टीले नियन्त्रणमा लिएको प्रहरी नायब नायब उपरीक्षक अपिल राज बोहराले जानकारी दिए ।

त्यस्तै इलाका प्रहरी कार्यालय बन्दीपुर सिरहाबाट खटेको गस्ती टोलीले यादवलाई लागु औषध गाँजा सहित पक्राउ गरेको छ । यादवलाई कागजको पोकामा लुकाई छिपाई राखेको ११० ग्राम गाँजा सहित पक्राउ गरेको बोहराले जनाएको छ ।

दुबैलाई पक्राउ गरी थप अनुसन्धान तथा कारवाही प्रक्रिया अगाडि बढाइएको जनाइएको छ ।