सिरहा अदालतका ड्राईभर १ लाख १० हजार घुससहित रंगेहात पक्राउ

न्यूज ब्यूरो, सिरहा । सिरहा जिल्ला अदालतका सवारी चालक १ लाख १० हजार रुपैयाँ घुससहित रंगेहात पक्राउ परेका छन् ।

सिरहा अदालतका सवारी चालक वृजमोहन यादवलाई अख्तियार दुरुपयोग अनुसन्धान आयोग क्षेत्रीय कार्यालय बर्दिबासको टोलीले १ लाख १० हजार घुससहित पक्राउ गरको हो । पक्राउ परेका सवारी चालक यादव न्यायधीशको गाडी चलाउँदै आएका छन् ।

आयोगका अनुसार, उनलाई सिरहा सदरमुकाम स्थित खड्का होटेलबाट दिउँसो १ बजेतिर एक सेवाग्राहीसंग घुस लिदै गर्दा रंगेहात पक्राउ गरिएको छ ।

पक्राउ परेका यादवमाथि थप अनुसन्धान भइरहेको जनाइएको छ । उनीमाथि भ्रष्टाचार निवारण ऐन अनुसार मुद्दा चलाउने तयारी समेत गरिएको अख्तियारले जनाएको छ ।