प्रहरीको नजरमा कुटपिटको भिडियो भ्रामक, घटना छानबिन गर्न समिति गठन

न्यूज ब्यूरो, जनकपुरधाम । जनकपुरमा प्रहरीले युवाहरुलाई गरेको कुटपिट घटना छानविनका लागि समिति गठन भएको छ ।

जनकपुरको जानकी चोकमा नरिवल बेचिरहेका युवकलाई प्रहरीले कुटपिट गरेको भिडियो खिच्ने अगुवा सुशील कर्णलाई पनि प्रहरीले दुव्र्यवहार तथा कुटपिट गरेको घटनाबारे छानविन गर्न समिति गठन गरिएको हो ।

प्रहरीले पैसा मागेको र नदिएपछि कुटपिट गरेको भन्दै समाजिक संजालमा आएको भिडियो भ्रामक भएको दावी गर्दै धनुषा प्रहरीले घटना छानविनका निम्ति समिति गठन गरेका छन् । जिल्ला प्रहरी कार्यालय धनुषाका डिएसपी सन्तुलाल प्रसाद जैसवारको नेतृत्वमा पाँच सदस्यीय छानबिन समिति गठन भएको हो ।

धनुषा प्रहरीद्धारा जारी प्रेसविज्ञप्तीमा समाजिक संजालमा प्रहरीले पैसा मागेको भन्दै आएको भिडियो भ्रामक भएको दावी गरिएको छ ।

जानक मन्दिर परिसरलाई व्यवस्थित गर्ने क्रममा परिसर भित्र र प्रवेशद्धारको फुटपाथ पसल हटाउने क्रममा स्थानीय व्यपारी र प्रहरीबीच सामान्य विवाद भएको र सोहिको भिडियो बनाएर प्रहरीले पैसा नदिँदा कुटपीट गरेको भनि समाजिक संजालमा राखिएको भिडियो भ्रामक, कपोकल्पित रहेको धनुषा प्रहरीले दावी गरेको छ ।

प्रहरीले युवकलाई कुटपिट गरेको भिडियो स्थानीय युवा अभियन्ता सुशील कर्णलले खिचेका थिए । उनले खिचेको भिडियो समाजकि संजालमा सार्वजनिक भएलगत्तै प्रहरीले जानकी प्रहरी चोकीमा युवक रोशनलाई लगेपछि स्थानीय युवा अभियन्ता कर्णसहित उनलाई छुटाउन पुग्दा पर्यटक प्रहरीका ईन्चार्ज बिरेन्द्र यादव र युवक कुट्ने प्रहरी प्रेमशंकर यादवले समेत भिडियो किन खिचेको भन्दै युवा सुशील कर्णलाई लछारपछार गर्दै दुव्र्यवहार तथा कुटपिट गरेका थिए ।

प्रहरीले उनीहरुलाई समेत कुटेपछि जनकपुरमा प्रहरीविरुद्ध चर्को नाराबाजीसहित आन्दोलन भएको थियो ।