जनकपुरको कलेण्डरमा मेयर लालकिशोर साहकै 'फोटो लीला'

न्यूज ब्यूरो, जनकपुरधाम । जनकपुरको पहिचान मिटाउन नदिने भनेर ठोकुवा गर्दै आएका जनकपुरधाम उपमहानगरपालिकाका मेयर लाल किशोर साहले नगरको अधिकारिक कलेण्डर (पात्रो) मा आफू सहित अन्य जनप्रतिनीधिको फोटो मात्र सजाएका छन् ।

बेला बेलामा जनकपुरको धरोहर र पहिचानको लागि मात्र अग्रसर भएको दाबी गर्दै आएका मेयर साहले कलेण्डरमा मात्र आफ्नो तस्विर सजाएर सार्वजनिक गरेपछि चौतर्फी आलोचना भएको हो । समाजिक सञ्जालमा जनकपुरधाम उपमहानगरपालिकाको क्यालेण्डर राखेर युवाहरु विरोध जनाएका छन् । नगरपालिकाको अधिकारिक कलेण्डरमा नगरभित्रको विभिन्न धरोहर, पर्यटकीय स्थल, विकासको नमुना, मिथिला हेरिटेजको परिकल्पनालाई स्थान दिनुको साथै मात्र आफ्नो तस्विरले भरिभराउ गरेपछि आलोचना भएको हो ।

कलेण्डरमा मेयर साहले विभिन्न कार्यक्रमको क्रममा सहभागी भएका तस्विर, ठुला वडा नेताहरुको सँगको तस्विर, भेटघाटको तस्विर सहित उपमेयर शिला झाको विभिन्न क्रमको तस्विर, नगरपालिकाका अन्य कर्मचारीले समेत आफ्नो अनुकल हुने गरी तथा आफ्नो तस्विर देखिने गरी तस्विरलाई राखेको हो । मिडियामा जनकपुरको पहिचानलाई लिएर कडा प्रस्तुत हुँदै आएका मेयर साहले कलेण्डरमै त्यस्तो डिजाइन दर्साएपछि जनकपुरको धरोहरप्रतिको माया, मोह र ममता बारे छर्लङग भएको छ ।

जनकपुरधाम रेल्वे स्टेशनदेखि स्टेसनदेखि शिवचोकसम्म मिथिला हेरिटेज सिटीको परिकल्पना गरिएको बताउँदै उनले केही दिन अघि मात्र जनकपुरधाममा विभिन्न ठाउँबाट आउने जोडीको लागि वैवाहिक हबको गन्तव्य बनाउने रुपमा स्थापित गर्ने प्रयासमा लागेको बताएपनि जनकपुरको कलेण्डरमा विवाहमण्डप, जानकी मन्दिर, रेल्वे स्टेशन, रेल्वेको तस्विर, स्वर्गद्धारी, गँगासागर, रत्नसागर, पिडारी चोक, रामानन्दचोक लगायत विभिन्न धरोहरहरुको तस्विर भने झुण्डयाउन सकेनन् ।

यस सन्दर्भमा मेयर लालकिशोर साहले आफू केही दिनदेखि काठमान्डौं रहेको र कलेण्डर बारे आफूलाई केही थाहा नभएको प्रतिक्रिया दिएका छन् । शुक्रबार न्यूज ब्यूरोसँगको छोटो प्रतिक्रियात्मक कुराकानीको क्रममा मेयर साहले नगरपालिकाको कलेण्डर नगरपालिकाको कर्मचारीले बनाएको बताएका छन् । कलेण्डरमा केही कर्मचारीहरुले समेत आफू देखिने गरी लिइएको तस्विर लगाइएको छ ।

कलेण्डरको कभर पृष्ठमै मेयर साहको ज्याकेट तस्विर लगाइएको छ भने स्वर्गद्धारीको पुरा तस्विर हाल्नुपर्ने आवश्कयतालाई स्वर्गद्धारी अगाडी उनले सफाई गर्दै गरेको एक तस्विर समेत लगाएका छन् । युवाहरुले यो जनकपुरको पहिचान उपरको कडा प्रहार रहेको टिकाटिप्पणी गरेको छन् । सो सन्दर्भमा जनकपुरका अमित कुमार पाठक लेख्छन् :

त्यसैगरी राजु चौधरी लेखेका छन् :

यो जनकपुर धाम उपमहानगरपालिका को अधिकारिक क्यालेन्डर हो,म स्तब्ध छु यस कार्य प्रति जहाँ जनकपुर धाम उपमहानगर पालिका भित्र रहेका धेरै महत्त्वपूर्ण धरोहर र पौराणिक गौरव र महत्व बोकेका सम्पदा हरू अटाउन नसक्नु,जानकी मन्दिर जो पुरै विश्व लाई नै अाकर्षित गर्ने अास्था को केन्द्र र विश्व सम्पदा को सुचि का लागि संघर्षरत अवस्था मा रहेको सम्म लाई पनि अटाउन नसक्नु ले के सन्देश दिन खोजेको..?जहाँ 2020 पर्यटक बर्ष भनेर जहाँ प्रचार गरिएको छ,त्यहाँ यस प्रकार को अहंकार अलि सुहाउँदैन,यो व्यक्ति वादी चिन्तन ले ग्रसित क्यालेन्डर हो जुन जनकपुर धाम लाई प्रतिनिधित्व गर्दैन..र जुन सल्लाहकार को डिजाइन मा बनेको हो त्यो पक्कै पनि नलायकहरू नै होला..