प्रहरीले गरिब कुटेको भिडियो खिच्नेलाई कुटपिट गर्ने २ प्रहरी निलम्बन हुने !

न्यूज ब्यूरो, जनकपुरधाम । जनकपुरको फुटपाथमा नरिवल बेच्ने युवकलाई प्रहरीले कुटपिट गरेको भिडियो खिचेका अभियन्ता सुशील कर्णलाई दुव्र्यव्यवहार गरेका २ प्रहरीलाई निलम्बन गरिने भएको छ ।

जनकपुरको जानकी प्रहरी चौकीका प्रहरीले अभियन्ता कर्णलाई चौकीमा बोलाएर भिडियो किन खिचेको भन्दै कुटपिट गरेका २ प्रहरीलाई कारवाही गरिने भएको हो ।

अभियन्ता सुशिल कर्ण र नरिवल बेच्ने युवक रोशनमाथि भएको दुव्र्यवहार तथा कुटपिट गर्ने पर्यटक प्रहरी इन्चार्ज विरेन्द्र यादव र प्रहरी जवान प्रेमशंकर यादवलाई कारवाही प्रक्रिया अघि बढाउने धनुषाका प्रहरी नायव उपरीक्षक रामेश्वर कार्कीले जनाएका छन् ।

ईन्चार्ज यादव र प्रहरी जवान यादवलाई निलम्बनका लागि सिफारिस गर्ने र थप कारवाहीका लागि प्रक्रिया अगाडी बढाइने प्रहरी नायव उपरीक्षक कार्कीले बताए ।

बिहिबार दिउँसो जानकी चोकमा नरिवल बेचिरहेका १८ वर्षका युवक रोशन चौधरीले प्रहरी जवान यादवलाई मागेजति पैसा नदिँदा कुटपिट गरेपछि तरंग उत्पन्न भएको हो ।