प्रभु साहको राजीनामा अस्वीकृत

न्यूज ब्यूरो, जनकपुरधाम । नेपाल कम्युनिस्ट पार्टी (नेकपा) का नेता प्रभु साहले प्रदेश नम्बर २ को अध्यक्ष पदबाट दिएको राजीनामा अस्वीकृत भएको छ ।

अध्यक्ष पुष्पकमल दाहाल ‘प्रचण्ड’ को अध्यक्षतामा सोमबार बसेको नेकपा सचिवालय बैठकले साहको राजीनामा अस्वीकृत गर्ने निर्णय गरेको हो ।

महासचिव विष्णु पौडेलले साहको राजीनामा अस्वीकृत भएको पुष्टि गरेका छन् । साहले अघिल्लो आइतबार अध्यक्ष प्रचण्डसमक्ष राजिनामा पेस गरेका थिए ।

पार्टी नेतृत्वबाट असहयोग भएको भन्दै साहले प्रदेश अध्यक्ष पदबाट राजीनामा दिएको उल्लेख गरेका थिए । नेता साहले यसबारे पछिल्लो प्रतिक्रिया जनाएको छैन ।