विद्यार्थीलाई लागुऔषध दुर्व्यसनीमा फस्न नदिन सशस्त्र प्रहरीको यस्तो अभियान !

न्यूज ब्यूरो, सिरहा । सशस्त्र प्रहरी वल सिरहाले विद्यालयहरुमा लागु औषध दूव्र्यसनी तथा विपद् व्यावस्थापन सम्बन्धि कार्यक्रमको थालनी गरेको छ ।

लागु औषधको दुव्र्यसनीले समाजमा पार्ने नकारात्मक असरहरु तथा विपद् व्यवस्थापनमा सशस्त्र प्रहरीको भुमिका र नागरिकले कसरी सहयोग गर्न सक्छन् भन्ने जस्ता बिषयमा प्रहरीले जनचेतना अभियान सुरु गरेका हुन् ।

स्कुल तथा क्याम्पसमा पढ्ने विद्यार्थीलाई लागु औषध दूव्र्यसनीमा फस्न नदिन तथा समाज सुधारमा महत्वपूर्ण निर्वाह गर्ने उदेश्य स्वरुप लाहानका स्कुलहरुबाट अभियान सुरु गरेको सशस्त्र प्रहरी वल लाहानका प्रमुख प्रहरी नायब उपरीक्षक प्रेम रावलले जानकारी दिए ।

सशस्त्र प्रहरी वल लाहानका प्रमुख प्रहरी नायव उपरिक्षक प्रेम रावलले लाहान मनोकामना सेकेन्ड्री स्कुलमा माध्यमिक तह पढने विद्यार्थीहरुको लागि लागु औषध दूव्र्यसनी तथा बिपत व्यवस्थापन सम्बन्धी जनचेतना मूलक प्रस्तुति राखेका थिए । युवा तथा विद्यार्थीहरु नै लागु औषधमा फस्न सक्ने र विद्यार्थीहरुले नै यसको नियन्त्रण तथा जनचेतना सन्देशहरु प्रवाह गर्न मदत गर्न सक्ने भएकाले स्कुल तथा क्याम्पसहरुमा जनचेतना मुलम कार्यक्रम सुरु गरिएको प्रहरी नायव उपरिक्षक रावलले जानकारी दिए ।

लागु औषधको प्रयोगबाट युवा पिढीमा पर्ने असरहरुले समाज पार्ने नकारात्क घटनाहरु तथा विभिन्न कानुनी अवस्था बारेमा जानकारी गराइएको थियो । विद्यार्थीहरुलाई लागू औषध भनेको के हो, लागू पदार्थ सेवन गर्दाका बेफाईदाहरु, समाजमा कस्ता असर पार्छ र कसरी निबारण गर्न सकिन्छ भन्ने जानकारी दिएका थिए ।

नेपालमा खासगरी युवा पुस्तामा यसको प्रयोग बढी मात्रामा हुने गरेको देखिन्छ । प्रहरी नायव उपरिक्षक रावलले बिद्यार्थीहरुलाई लागु औषधको प्रभावले मानब शरीरको केन्द्रीय स्नायु प्रणालीमा असर पार्ने जानकारी गराउँदै प्रयोगको मात्रा बढ्दै गएपछि मानिसको मृत्यु गराउने सम्म पुग्ने भएकाले सचेत रहन आग्रह गरेका थिए ।

सामाजिक संस्कार बिगार्ने,अपराध बढ्ने,दक्ष जनशक्ति कुलतमा फस्ने,अर्थ व्यवस्थालाई ध्वस्त बनाउने, जस्ता समस्याहरु लागुऔषध द्दारा सृजित जटिल सामाजिक समस्या आइपर्ने जस्ता जटिलताहरु बताएका थिए । लागु औषधको यस्तो बढ्दो प्रयोग र समाजमा यसले पार्ने नकारात्मक प्रभाबका कारण यसलाई सामाजिक अपराधका रुपमा लिईएको बारेमा बिद्यार्थीहरुलाई जानकारी गराइएको थियो ।

जनचेतना मुलक कार्यक्रममा विपद् व्यावस्थापन सम्बन्धि सशस्त्र प्रहरीले गरेका विभिन्न उद्धार तथा सकरात्मक कामहरुका बारेमा पनि जानकारी गराइएको थियो ।