धनुषाकी ८ दर्जन बढी छात्रालाई मुख्यमन्त्री राउतको साईकल

न्यूज ब्यूरो, जनकपुरधाम । "बेटी पढाउ, बेटी बचाउ" मुख्यमन्त्रीको अभियान अन्तर्गत छात्राहरुलाई साईकल वितरण गरिएको छ ।

समाजिक रुपान्तरणका लागि नारी सशक्तिकरण आवश्यक रहेको बताउँदै प्रदेश नं. २ का मुख्यमन्त्री मो. लालबाबू राउत गद्दिले विहिबार धनुषाको बटेश्वरको एक समुदायिक विद्यालयकी छात्राहरुलाई साईकल वितरण गरेका हुन् । उच्च शिक्षा हाँसिल हेतु टेवा पुग्ने गरी बटेश्वर गाउँपालिका स्थित रहेको शिवशक्ति नमुना माविमा मुख्यमन्त्री राउतले साईकल वितरण गरेका हुन् ।

मुख्यमन्त्री बेटी पढाउ, बेटी बचाउ कार्यक्रम अन्तर्गत आयोजित साइकल वितरण कार्यक्रममा मुख्यमन्त्री राउतले समग्र विकासको मुल आधार नारी सशक्तिकरण रहेको उल्लेख गर्दै उनले भने, ,- ‘प्रदेशको समृद्धिको लागि समाजिक रुपान्तरण र समाजिक रुपान्तरणको लागि नारी सशक्तिकरण आवश्यक रहेकाले नै प्रदेश सरकारले बेटी पढाउ बेटी बचाउ कार्यक्रम अन्तर्गत छोरी शिक्षा विमा, साइकल वितरण जस्ता कार्यक्रमहरु अघि सारेको छ । ’

प्रदेश सरकारले छोरीहरुलाई शिक्षित मात्र नभई रोजगारी दिने ग्यारेन्टी समेत गरेको कथन मुख्यमन्त्री राउतको थियो । सो कार्यक्रममा कार्यक्रममा विशिष्ट अतिथि प्रदेश सभा सदस्य सत्रुधन महतो, समाजवादी पार्टीका नेता महाजन यादव, बटेश्वर गा।पा।का अध्यक्ष डम्बर बहादुर राउत क्षेत्री सहितका वक्ताहरुले कार्यक्रमको प्रशंसा गर्दै सरकारको अभियानमा हातेमालो गर्ने प्रतिबद्धता जनाए ।

उक्त विद्यालयका कक्षा ८ मा अध्ययनरत ९५ जना छात्राहरुलाई मुख्यमन्त्री राउतले साइकल हस्तान्तरण गरेका हुन् ।