३ करोड बढीको लागतमा स्वर्गझैं बनाइदैछ 'जलेश्वर'

न्यूज ब्यूरो, बर्दिवास । महोत्तरीको जलेश्वर नगरपालिकालाई हरियाली एवम् पूर्ण स्वच्छ बनाउको लागि एक सँस्थाको पहलमा ३ करोड बजेट लागू गर्ने भएको छ ।

जलेश्वर नगरपालिका प्रदेश नं. २ का सरकारका प्रदेश सभा साँसद विकास कोष र युनाइटेड नेशन डेभलपमेन्ट प्रोग्राम (यूएनडीपी) को आर्थिक सहयोग र समन्वयमा उक्त कार्यक्रम लागू गरिने भएको छ । समाजिक सँस्था सामुदायिक विकास तथा पैरबी मँच नेपाल बर्दिवास महोत्तरीको प्राविधिक सहयोमा जलेश्वरलाई ग्रीनिंङ दी जलेश्वर मुनसिप्यालिटी प्रोग्राम सँचालन गरिने भएको छ ।

सो कार्यक्रम अन्तर्गत जलेश्वर नगरपालिकाको वडा नं. १,२,३,६,८ र ९ अन्तरगत निर्माण कार्य पुरा भएको विभिन्न सडकहरुमा निर्माण गरिएको डिभाईडर भित्र तथा सडकको अन्य छेउहरुमा समेत गरी करिव १५ कि.मि.क्षेत्रलाई हरियाली वृद्वि ,सरसफाई तथा स्वच्छता र सुन्दरता वढाउनको लागि भविष्यमा वढी महत्व राख्ने जातका स्वसथ्य, गुणस्तर तथा स्तरिय उचाई भएको कपुर, राजवृक्ष, श्रीखण्ड, रुद्राक्ष, गुलमोहर, निम, क्षतिवन, निलमोहर, पारिजात, कदम, अलंकारी, सिरिस, अमला, एरकेरिया जातका विरुवाहरु लगाउने कार्यक्रम तय गरिएको हो ।

ती ३,५०० गोटा स्यापलिंगहरु वृक्षारोपण तथा विरुवाको सुरक्षाको लागि फलामको फ्रेम समेतको कलर गरेको स्तरिय उचाई तथा चौडाई भएका जाली घेरा ३,५०० गोटा लगाउनुको साथै उक्त क्षेत्रमा उज्यालो वढाउनको लागि सडकको डिभाईडर भित्र स्ट्रिट सोलार लाईट जडान गर्ने कार्यक्रम रहेको छ ।

कार्यक्रम अन्तर्गत फोहर व्यवस्थापनका लागि २२५ गोटा वेस्टेज वक्स राख्ने कार्यक्रम रहेको छ । उक्त परियोजना संचालनको लागि यू.एन.डि.पि.वाट रु.१ करोड ९ लाख ९९ हजार ९ सय ५ तथा जलेश्वर नगरपालिकावाट १ करोड ६५ लाख ५० हजार रुपैयाँ विनियोजन गरिएको छ भने प्रदेशसभा साँसद विकास कोषबाट ६५ लाख रुपैयाँ गरी जम्मा ३ करोड ३१ लाख ४ हजार ९ सय ९० रुपैयाँ बजेट खर्च गरिने भएको छ ।

कार्यक्रमलाई लक्षित समय भित्र संचालन गरी सम्पन्न गर्न र परियोजनाले परिकल्पना गरेको उपलव्धीहरु हासिल गर्न जलेश्वर नगरपालिकाको जलेश्वर नगरपालिकाको नगर प्रमुख राम शंकर मिश्रको अध्यक्षतामा १ दिने कार्यशाला गोष्ठी समेत संचालन गरिएको थियो ।

परियोजनाको लक्ष्य, उदेश्य, उपलव्धी तथा कार्यक्रम संचालन वारे संस्थाका पूर्व कार्यकारी निर्देकश संतोष रसाईलीले प्रस्तुतिकरण गरेका थिए भन कार्यक्रममा सहभागी भएका प्रमुख अतिथि ,विशिष्ट अतिथि लगायत सम्पूर्ण अतिथिहरुलाई सामुदायिक विकास तथा पैरबी मन्च नेपाल, वर्र्दिवास, महोत्तरीका अध्यक्ष नागदेव यादवले स्वागत गर्दै परियोजनाको वजेट , कार्यक्रमको उदेश्य र उपलव्धी वारे जानकारी गराएका थिए ।

पछि कार्यक्रममा विशिष्ट अतिथिको रुपमा सहभागि भएकी प्रदेश नं.२, महोत्तरी क्षेत्र नं. ३ की प्रदेश सभा सदस्य सांसद रानी शर्मा , प्रदेश सभा सदस्य सांसद वविता चौधरीको साथै जिल्ला समन्वय समिति,महोत्तरीको प्रमुख सुरेश प्रसाद सिंहले खुसी व्यक्त गर्दै परियोजनाको सफल्ताको कामना गर्दै सफल वनाउनको लागि सहयोग गर्ने प्रतिवद्वता व्यक्त गरे ।

सो कार्यक्रममा नेपाल पत्रकार महासंघ, जिल्ला शाखा, महोत्तरीका अध्यक्ष कमलेश मण्डल लगायत संचार क्षेत्रमा आवद्घ विभिन्न संचारकर्मी, जलेश्वर न.पा.को उप प्रमुख, विभिन्न वडाका प्रमुख, कर्मचारी लगायत जलेश्वर स्थित रहेका सरकारी, गैरसरकारी संघ संस्था, वित्तिय संस्थाका प्रमुख तथा प्रतिनिधिहरुको उपस्थिति रहेको थियो ।