विद्यार्थीको हकहितका लागि राविसंघ सदैव खडा छ : अध्यक्ष यादव

न्यूज ब्यूरो, काठमाडौं । राष्ट्रिय जनता पार्टी नेपालको भातृ संगठन राष्ट्रिय विद्यार्थी संघको भक्तपुरस्थित नेपाल ईन्जिनियरिङ कलेजको एकाई कमिटिको दोश्रो अधिवेशन सम्पन्न भएको छ ।

राष्ट्रिय विद्यार्थी संघका केन्द्रीय अध्यक्ष चिरञ्जीवी यादवको प्रमुख आतिथ्यमा सम्पन्न दोश्रो अधिवेशनबाट २१ सदस्यीय कलेज एकाई समिति गठन गरिएको छ ।

अधिवेशनले अध्यक्षमा निरज यादवलाई चयन गरेको हो । सोही कलेजमा अध्ययनरत निरज यादवको नेतृत्वमा गठन गरिएको समितिको उपाध्यक्षमा रोशन यादव, सचिवमा दिपक यादव, सहसचिवमा कंचन चौधरी, कोषाध्यक्षमा आशिष यादव चयन भएका छन् ।

त्यस्तै, सदस्यहरुमा रुपेश कुमार चौधरी, जन्दिन यादव, कृष्णा दास, रमन मण्डल, सुसान्त देव, आनन्द मण्डल लगायतका परेका छन् ।

नयाँ कार्यसमिति चयन गर्दै राविसंघका अध्यक्ष चिरञ्जीवी यादवले सबै नयाँ पदाधिकारीलाई बधाई तथा शुभकामना ज्ञापन गरे । उनले विद्यार्थीहरुको हकहितको लागि सदैव डटेर बोलिरहने बाचासमेत गरे । अध्यक्ष यादव केहि समयअघि मात्र काठमाडौंस्थित द ब्रिटिस कलेजमा अध्ययनरत सिरहाका एक विद्यार्थीको भएको रहस्यमय मृत्यूको घटना उपर कडा एक्सन लिएका थिए ।

कलेज एकाई समितिका यसअघिका अध्यक्ष दिपेश झाको अध्यक्षतामा सम्पन्न अधिवेशन समारोहमा राविसंघका केन्द्रिय अध्यक्ष चिरञ्जीवी यादव सहभागी थिए भने विशिष्ट अतिथिमा संघका महासचिव रंजित निष्पक्ष, अतिथिका रुपमा कसमस ईन्जिनियरिङ कलेजका एकाई अध्यक्ष पुर्शोतम साह लगायत विभिन्न विद्यार्थी संघ-संगठनका प्रतिनिधिहरुको जोडदार सहभागिता थियो ।