आगलगी हुँदा ४ घर जलेर नष्ट, एकै परिवारका दुई घाईते  !

न्यूज ब्यूरो, रौतहट । रौतहटको गढीमाई नगरपालिकामा बिहीबार दिउँसो आगलागी हुँदा ४ वटा घर जलेर नष्ट भएको छ ।

गढीमाई नगरपालिका वडा नं.- ४ सुन्दरपुरमा आगलागी हुँदा ४ वटा घर जलेर नष्ट भएको हो । आगलागीबाट स्थानीय नागेन्द्र राय यादवको श्रीमती ४५ बर्षीय गंगीया देवी र ६ बर्षीय नाति उप्रेती यादव घाइते भएका छन् । घरमा रहेको करिब रु. १० लाख मूल्य बराबरको जिन्सी समान, धनमाल र अन्य सामाग्रीहरू जलेर खरानी बनेको जिल्ला प्रहरी कार्यालय रौतहटले जनाएको छ । घटनाका बारेमा थप अनुसन्धान भइरहेको प्रहरीले जनाएको छ।

यता, घर जलेर नष्ट भएपछि पीडित परिवारको दुःखमा सोही क्षेत्रको प्रदेश साँसद एव प्रदेश नं. २ का बिकास समितिका सभापति अबुल कलाम अजाद उर्फ फुलबाबु साहारा बनेका छन । पीडित परिवारको बिचल्ली र दुख हेरेर साँसद फुलबाबुले तत्काल १० हजार रुपैयाँ सहित एक कुन्टल चामल ,३५ किलो दाल ,तरकारी र लताकपडाको राहत सहयोग गरेका हुन् ।

आगलगीबाट बालकको पियुठ जलेको छ भने गँगियाको पनि घाँटी, प्युठ र हातमा आगोले जलेको बताइएको छ । उनीहरुको उपचार स्थानीय क्लीनिकमा भईरहेको जनाइएको छ ।