मधेशमा 'गम्छा चैलेन्ज' ट्रेन्डिङगमा, गम्छाप्रतिको लोकप्रियता बढदै

न्यूज ब्यूरो, मधेश । समाजिक सञ्जाल फेसबुक, इन्टाग्राम, ट्वीटरमा अहिले गम्छा चैलेन्ज ट्रेन्डिङगमा रहेको छ ।

फेसबुक, इन्स्टाग्राममा ह्यासटयाग गम्छाचैलेन्ज क्यापसन हालेर मधेश मूलका नेपाली युवायुवतिहरुले मधेशको सँस्कृति र पहिचान पूर्नजागरण हेतु गम्छाचैलेन्ज प्रतिस्पर्धा गरिएको छ । बढदो आधुनिकतासँगै लोप हुँदै गएको मधेशको पुरानो र वास्तविक सँस्कृतिप्रतिको मोहलाई यो चैलेन्जले पुर्नजागरण गरिएको च्यालेन्जमा सहभागी बाराका पडसौनी गाउँपालिका वडा नं. ४ बस्ने जेपी साहले बताए । उनले भने, - "फेसबुकमा ट्रेन्डिङगमा चलिरहेको अहिले गम्छा चैलेन्जले मधेशको सँस्कृति र पहिचान स्थापितप्रतिको प्रेमता जगाएको छ ।"

मधेश मूलका नेपाली युवायुवतिहरुले फेसबुकमा गम्छा लगाएर, गम्छाको पगडी, काँधमा गम्छा सहित विभिन्न तवरले गम्छा शैलीलाई दर्साएको देखिएको छ । जताततै गम्छा चैलेन्जले समाजिक सञ्जाल भरिभराउ भएको देखिएको छ । सहभागीहरुले आफ्नो सँस्कृति उपर गर्व प्रकट गर्दै गम्छा मधेशको आन, वान र शानको रुपमा रहेको पनि भनेका छन् ।

यसमा हरेक समुदायको युवायुवतिहरुले सहभागीता जनाएका छन् , फेसबुकमा ह्यास टयाग #GamchhaChallenge राखेर गम्छा सहितको फोटो पोष्ट गर्ने गरेको देखिएको छ । एकजनाबाट सुरु गरिएको गम्छाचैलेन्जलाई मधेश मूलका नेपाली युवायुवतिहरुले स्वीकार गरी विभिन्न तवरले आफ्नो तस्विर दर्साएका हुन । कर्मचारी, युवा, महिला, युवति, विद्यार्थी लगायत हरेक क्षेत्रका व्यक्तिहरु यसमा सहभागीता जनाएको देखिएको छ ।

न्यूज ब्यूरोसँग कुराकानी गर्दै चैलेन्जका सुरुवातकर्ता जेपी साहका अनुसार, आउने दिनमा गम्छा चैलेन्जलाई नै आधार मानी आफ्नो संस्कृति संरक्षण हेतु एक उत्सवको रुपमा मनाउने छ । मधेशी समुदायलाई गम्छा, पगडी प्रतिको मोह, माया, ममता जागेको छ र यो वर्तमान पुस्ताको लागि गौरवको विषयको रुपमा हेर्न सकिन्छ ।

गम्छा चैलेन्जलाई नाबालकदेखि, बालक, नवयुवक, युवक, युवति, वश्यक, वृद्ध सबैले स्वीकार गरी फेसबुकमा तस्विर पोष्ट गरेका छन् । नाबालकहरुलाई उनको अभिभावकले गम्छा चैलेन्जको लागि तयार गरेको देखिएको छ । मधेशका आइकनको रुपमा रहेका युवाहरु रियाज साफी, रोशन झा, जेपी साह, सरोज कुमार महतो, दिपेन्द्र यादव, नेन्सी साह, विटु मिश्रा वत्स, सुदीप शर्मा लगायत हजारौं जनाले स्वीकार गरेका छन् ।