धनुषामा डुबेर एकै परिवारका दुई दाजुभाईको मृत्यू !

न्यूज ब्यूरो, जनकपुरधाम । उत्तरी पुर्वी धनुषामा एकै परिवारका दुई दाजुभाईको डुबेर मृत्यू भएको छ ।

धनुषाको गणेशमान चारनाथ नगरपालिका वडा नं. २ बिरेन्द्र बजार बस्ने स्थानीय सबिन लायोका दुई छोराको नजिकै पोखरीमा डुबेर मृत्यू भएको जिल्ला प्रहरी कार्यालय धनुषाले जनाएको छ । घर नजिकै रहेको पोखरीमा नुहाउन गएका अन्दाजी वर्ष १३ का आदित्य लायो र उनकै कान्छो भाई आकाश लायोको डुबेर मृत्यू भएको हो ।

घरबाट नुहाउनको लागि गएका दुबै दाजुभाइको डुबेर मृत्यू भएपछि स्थानीयले परिवारजनलाई जानकारी गराएको थियो । त्यसपछि उनीहरुको शव पोखरीबाट बाहिर निकालेर प्रहरीलाई जानकारी गराएको जनाइएको छ ।

मृतक दुबै जनाको शव पोस्टमार्टमको लागि जनकपुर अञ्चल अस्पताल ल्याइएको ईलाका प्रहरी कार्यालय ढल्केवरले जनाएको छ । पोखरीमा पानीको सतह बढी भएकोले पौड्न नसकेर डुबेको बताइएको छ । यस घटनाबारे अनुसन्धान थालिएको प्रहरीले जनाएको छ ।