सिरहाका यी बाढीपीडितहरु ४८ घण्टापछि खान पाएर भावुक भए !

न्यूज ब्यूरो, सिरहा । बाढीका कारण दुई दिन अर्थात ४८ घण्टादेखि भोकभोकै बसेका बाढीपीडितहरु भात खान पाएपछि भावुक बने ।

सिरहाको कर्जन्हा नगरपालिकाको बाढी पिडितहरु दुई दिनपछि आईतबार खाना (भात) खाएका छन् । बाढी पिडितहरुलाई कमला देवी समुदाय वन उपभोक्ता समुह कर्जन्हा नपा २ र ३ ले खाना खुवाएएको हो । समूहका अध्यक्ष लालबाबू यादवले निरन्तर बाढी पिडितहरुलाई उद्धार गर्न खटेको जानकारी दिए ।

पाँच दिनदेखि निरन्तर वर्षा हुँदा कर्जन्हा नगरपालिका ३ का ६० घर डुबानमा परेका थिए भने बाँकी वडाहरुमा समेत बाढीको प्रभाव परेको वडाध्यक्ष कपिलेश्वर यादवले जानकारी दिए । बाढीले त्यहाँका १० भन्दा अधिक घर बाढीले भत्काएको छ ।

बाढीपिडितहरुलाई ध्यानमा राख्दै कर्जन्हा नगरपालिकाको नगर प्रमुख गंगा पासमान त्रिपाल लिएर घरघरमा पुगेको छ । आइतबार नगर प्रमुख पासमानले कर्जन्हा नगरपालिका ३ का ५५ घर परिवारहरुलाई त्रिपाल वितरण गरे ।