बाढीका मृतक परिवारलाई प्रदेश सरकारले ३ लाख दिने, उद्धारका लागि हेलिकप्टर मगाइँदै
प्रदेश २ सरकारले राहत तथा उद्धारमा जुट्न प्रदेशभरीका युवाहरुलाई आह्वान समेत गरेको छ ।
२०७६ असार २८ शनिबार, दिउँसो १:०२ बजे१ मिनेट पढाइ
न्यूज ब्यूरो, जनकपुरधाम । निरन्तरको अविरल वर्षापछि आएको बाढी पहिरोमा परी ज्यान गुमाएका परिवारलाई प्रदेश २ सरकारले ३÷३ लाख रुपैया राहत उपलब्ध गराउने निर्णय गरेको छ ।
लगातारको वर्षाले प्रदेश २ लगायत देशभरिकै जनजीवन अक्रान्त बनेका बेला आज बसेको प्रदेश केविनेटको आकस्मिक बैठकले यस्तो निर्णय गरेको हो ।
प्रदेश सरकारले भएको धनजनको क्षतिप्रति गहिरो दुःख व्यक्त गर्दै राहत तथा उद्धारका लागि तत्काल प्रत्येक जिल्लाका विपद् व्यवस्थापन समितिलाई १०÷१० लाख रुपैया उपलब्ध गराउने निर्णय समेत गरेको छ ।
विपद् पीडितहरुको राहत तथा उद्धारका लागि संघीय सरकारसँग समन्वय गरेर हेलिकप्टर मगाउँने पहल समेत भइरहेको प्रदेश २ सरकारका प्रवक्ता एवं आन्तरिक मामिला तथा कानुन मन्त्री ज्ञानेन्द्र यादवले जानकारी दिए ।
प्रदेश २ सरकारको मन्त्री परिषदको बैठकले हालसम्म राहत तथा उद्धारमा खटिएका नेपाली सेना, नेपाल प्रहरी, सशस्त्र प्रहरी, स्वयंसेवक तथा युवाहरुहरुलाई धन्यवाद दिँदै राहत तथा उद्धारमा जुट्न प्रदेशभरीका युवाहरुलाई आह्वान समेत गरेको छ ।
कस्तो महसुस भयो ?
प्रतिक्रिया दिन साइन इन गर्नुहोस्
AI सारांश र अडियो स्वचालित रूपमा तयार गरिएको — सम्पादकीय निगरानीमा प्रकाशित।
टिप्पणी
आफ्नो विचार राख्न साइन इन गर्नुहोस्।
लोड हुँदै…