कमलाको छर्की फुट्यो : सिंगो गाउँ नै डुबानमा, ९ जना फसे !

न्यूज ब्यूरो, जनकपुरधाम । धनुषा र सिरहाको सिमाको रुपमा रहेको कमला नदिको छर्की (भंंगालो) फुटेर एक गाउँ डुबानमा परेको छ ।

धनुषाको पुर्वी क्षेत्र कमला छेउमा रहेको जनकनन्दिनी गाउँपालिका वडा नम्बर १ इनरुवामा कमलाको छर्की फुटेर पानी पसेको धनुषाका प्रमुख जिल्ला अधिकारी ( सिडिओ) प्रदिप कनेलले जनाए ।

कनेलका अनुसार, कमाला नदी किनारका ब्यक्ति लाई सतर्क र सुरक्षित स्थानमा रहन अनुरोध गरेको जनाउँदै कमला नदीको बाध माथिको भंगालो बाट नेपाली सेना र स्थानीय २ माझीले अ ४५ वर्षका बेदरु मुखियालाई सकुसल उद्दार गरेको जनाए ।

सोही क्रममा सहिद नगर न पा २ को वतराही को कमला नदिको भंगालो वाट ४ पुरुष र १ महिला, कमला न पा ७ को सोही भंगालोवाट ३ महिला र १ पुरुषलाई उद्दार गर्न सशस्त्र प्रहरी को वाहिनीवाट थप उद्दार टोलि गइरहेको जानकारी दिए ।

जनकनन्दिनी गा पा १ को कमाला नदीको भंगालो केही फुटी इनर्वा गाउँ डुवान परेको बताउदै प्रजिअ कनेलले जनकपुर अञ्चल अस्पताल र अन्य केही भाग डुवान भएकोमा सवै सुरक्षा निकाय र जउमनपाका सफाइकर्मी परिचालित भै पानी निकासमा सहयोग गरेको जनाए ।