सर्लाहीमा प्रदर्शनकारी उपर प्रहरीले गोली चलायो, १ को मृत्यू, अवस्था तनावग्रस्त !

न्यूज ब्यूरो, सलार्ही । सर्लाहीमा प्रदर्शन गरिरहेका उपर प्रहरीले गोली चलाएको छ । प्रहरीले चलाएको गोली लागेर एकजनाको ज्यान गएको छ भने अन्य ३ जना घाईते भएका छन् ।

सर्लाहीको ईश्वरपुर नगरपालिका बाँके नदीमा अवैध ढुंगागिट्टी उत्खनन् गर्दा बनेको खाल्डोमा डुबेर एक बालकको ज्यान गएपछि त्यसको विरोधमा उत्रेका प्रदर्शनकारी उपर प्रहरीले गोली चलाएको हो ।

झडपको क्रममा प्रहरीको गोली लागेर एकजना प्रदर्शनकारीको घटनास्थलमै मृत्यु भएको छ भने स्थानीयहरुको ढुंगामुढाबाट ८ जना प्रहरी पनि घाईते भएका छन् ।

अबैध उत्खनन्ले बनेको खाल्डोमा डुबेर आईतबार बालकको मृत्यु भएपछि त्यसको विरोधमा क्षतिपुर्ती माग गर्दै राजमार्ग अबरुद्ध गर्न पुगेका स्थानीय र प्रहरीबीच झडप भएपछि गोली चलाइएको जनाइएको छ । त्यहाँको अवस्था अहिले तनावग्रस्त बनेको छ ।

ईश्वरपुर नगरपालिका–१३ का लाले रायका १२ वर्षीय छोरा अमितकुमार यादवको शव आइतवार विहान मृत अवस्थामा खोल्डोमा भेटिएको थियो ।