धनुषाको यी सामुदायिक विद्यालयमा सिसिटिभी क्यामेरा जडान

न्यूज ब्यूरो, जनकपुरधाम । धनुषाको एक सामुदायिक विद्यालयमा सिसिटिभी क्यामेरा जडान गरिएको छ ।

धनुषाको धनुषाधाम नगरपालिका ५ मा अवस्थित श्री मावि प्रीतपुर पर्वतामा शैक्षिक वातावरण दुरुस्त बनाउन सिसिटिभी क्यामेरा जडान गरिएको हो ।

नयाँ शैक्षिक सत्र सुरु भएलगत्तै नगरको शैक्षिक अवस्था सुधार तथा विद्यालयको पठनपाठनमा गुणस्तरीयता प्रदान गर्न सिसिटिभी क्यामेरा जडान गरेको वडाध्यक्ष ईन्द्र कुमार महतोले जनाए ।

समाजलाई शिक्षित बनाउन तथा शिक्षाको ज्योतिबाट कोही वञ्चित नहोस् भन्ने अठोटसहित सामुदायिक विद्यालयको स्तर उकास्न आफू कम्मर कसेर लागेको वडाध्यक्ष महतोले प्रतिक्रिया दिए ।

यसअघि सोही विद्यालयमा डिजिटल हाजिरी संचालनमा ल्याइएको थियो ।