सेना भर्ती विषयमा बोले अरगरिया : भने, 'सबै समूदायको प्रवेशको वातावरण बनाइयोस्'

न्यूज ब्यूरो, जनकपुरधाम । संघीय सांसद एवं धनुषा क्षेत्र नं. २ का प्रतिनिधिसभा सदस्य उमाशंकर अरगरियाले नेपाली सेनामा नेपालका सबै समुदायले सहजै प्रवेश गर्न पाउने बातावरण बनाउन सरकारसँग माग गरेका छन् ।

प्रतिनिधिसभाको बिहीबारको बैठकमा सांसद अरगरियाले सेना भर्ती गर्ने संरचना पञ्चायतीय व्यवस्थाकै संरचना रहेको भन्दै यसलाई सुधार गर्न आग्रह गरेका हुन् ।

उनले सो व्यवस्था अन्तर्गत पछि परेका समुदायले सेना सेवामा प्रवेश गर्न सकिनरहेको बताए । सबै समूदायले सहजै प्रवेश गर्नसक्ने बातावरण तथा नीति बनाउन सरकारसँग उनले जोडदार माग गरे ।

देशलाई मजबुत बनाउन मधेश रेजिमेन्ट, थारु रेजिमेन्ट, नेवार रेजिमेन्ट लगायतका स्थापना गर्न सरकारलाई ध्यानाकर्षण गराए ।