लोकसेवा आयोगको कार्यालयमा तालाबन्दी !

न्यूज ब्यूरो, जनकपुरधाम । प्रदेश २ स्थित रहेको लोकसेवा आयोगको कार्यालयमा तालाबन्दी गरिएको छ ।

लोकसेवा आयोगले निकालेको असंवैधानिक विज्ञापन फिर्ता नलिएको भन्दै मधेश अधिकार संघर्ष समितिले तालाबन्दी गरेको हो ।

आयोगले संविधान विपरीत विज्ञापन गरेको र हालसम्म फिर्ता नलिएकाले कार्यालयमा ताला लगाएको संघर्ष समितिले जनाएको छ । आयोगद्धारा गरिएको विज्ञापन फिर्ता नलिए आन्दोलनलाई अझ कठोर बनाउने चेतावनी दिइएको छ ।

लोकसेवा आयोगले निकालेको विज्ञापनको चौतर्फी विरोध भइरहेपनि सरकारले गम्भीरता देखाएको छैन । विज्ञापनको विरोधमा मधेशमा युवाहरुले विभिन्न विरोधका कार्यक्रमहरु गर्दै आएका छन् ।