लोकसेवा बिज्ञापन विरूद्ध लहानमा प्रदर्शन !

न्यूज ब्यूरो, सिरहा । लोकसेवा आयोगले गरेको बिज्ञापन विरूद्ध विद्यार्थीहरूले सिरहामा प्रदर्शन गरेका छन् ।

लोक सेवा आयोगले आरक्षण कोटा हटाएको विरोधमा आज (शुक्रबार) मधेशी विद्यार्थीहरूले सिरहाको लहानमा प्रदर्शन गरेका हुन् ।

लोकसेवा आयोगको विज्ञापन समावेशी सिद्धान्त विपरीत र त्रुटिपूर्ण निकालेको भन्दै सरकार र आयोग विरुद्ध चर्को नारा धन्काएको युवा धर्मेन्द्र सिंहले जानकारी दिए ।

लोक सेवा आयोगले जारी गरेको विज्ञापन तत्काल खारेज नगरे विकल्पमा जान बाध्य हुने चेतावनी दिएका छन् ।

लोकसेवा आयोगले बिज्ञापन गरेदेखि नै मधेशमा चौतर्फी विरोध भइरहेपनि सरकारले गम्भीरता देखाएको छैन ।