सिरहामा देखिए दर्जनबढी लोपोन्मुख 'गिद्ध' !

न्यूज ब्यूरो, सिरहा । विश्वमै अति लोपोन्मुख मानिएको तथा लोपोन्मुख सूचीमा रहेको गिद्धमा देखापरेका छन् । सिरहाको बलान खोलामा एकै स्थानमा एक दर्जनभन्दा बढी देखापरेका परेको हो ।

विश्वभरमा लोपै हुन लागेको सूचीमा रहेको गिद्ध बलान खोलामा केही दिनयता दर्जनभन्दा बढीको संख्यामा विचरण गरेको देखिएको छ ।

सो स्थानमा विशेषगरी गिद्ध बस्ने सिमलका रुख भएकाले खैरो रङका बूढा गिद्ध देखिएका छन् । स्थानीय ललीत गुप्ताले २० वटासम्म गिद्ध गनेको बताए ।

गिद्ध देखेपछि हेर्न स्थानीयवासीको घुइँचो लाग्ने गरेको स्थानीय भगवतीप्रसाद पासवानले बताए ।

नेपालमा ८ प्रजातिका गिद्ध पाइन्छन् । तीमध्ये ४ प्रजातिका अति लोपोन्मुखको सूचीमा रहेको छ । डङ्गर, सानो खैरो, सुनगिद्ध र सेतोगिद्ध अति लोपोन्मुखको सूचीमा छन् ।

यी प्रजातिका गिद्धलाई एसियामै अति लोपोन्मुखको सूचीमा रखिएको बताइएको छ ।