उच्च शिक्षा ऐनप्रति त्रिवि प्राध्यापक संघको आपत्ति !

न्यूज ब्यूरो, काठमाडौं । उच्च शिक्षा सम्बन्धि केहि ऐन संशोधन गर्न बनेको बिधेयक निर्माण सम्बन्धमा त्रिभूवन विश्वविद्यालय प्राध्यापक संघको गम्भीर ध्यानाकर्षण भएको जनाएको छ ।

प्रस्तावित भनिएका केहि बिधेयकका प्राबधानले बिश्वविद्यालयको स्वयत्तताको र प्राज्ञिक स्वतन्त्रतालाई मात्र हनन गर्ने नभई यस्तो कानुन व्यवस्था गरिए संविधानतः प्रत्याभूत भएको लोकतन्त्रको मर्म र भावना बिपरित हुने ठहर गरिएको छ ।

जन आन्दोलनबाट स्थापित भई कार्यान्वयनमा आउने ऐन जन आन्दोलनबाट स्थापित मुल्य र मान्यतामा अधारित हुनु पर्दछ भन्ने संघको मान्यता रहेको उल्लेख गरिएको छ ।

प्राध्यापक संघले संगाठनिक स्वायतता एवं प्राज्ञीक स्वतन्त्रताको ठाडो हनन हुन नदिन नेपाल सरकार राजनीतिक दल निति निर्माता लगायत सम्पूर्ण सरोकारवालाको ध्यानाकर्षण गराएका छन् ।

उच्च शिक्षा सम्बन्धि यस्ता कानुनहरुको निर्माण गरिदा सम्बन्धित क्षेत्रका पदाधिकारी, बिज्ञ सरोकारवालाबीच आपसी छलफल गरि ऐनमा समावेश गरिने विषय बस्तुको टुङ्गो गरेर मात्र विधेयक मस्यौदा गर्ने परिपाटीको थालनी हुनुपर्ने संघको भनाई छ ।

यस्तो गरेमा आगामी दिनमा यस खालका सवालमा समझदारी बनी लोकतन्त्रको मर्म र भावना अनुकुल कानुन निर्माण हुने विश्वास लिएको प्रेस बिज्ञप्तीमा उल्लेख गरिएको छ ।